Hver vill ekki slaka á og hlusta á góða tónlist?

Á laugardaginn ættir þú að geta fundið eitthvað nýtt og flott að hlusta á en þá er New Neighborhoods á Kex Hostel.

New Neighborhoods er samvinnuverkefni milli Íslands og Póllands og er ætlað að hvetja fólk til að sjá og upplifa eitthvað nýtt.

Reykjavík er að verða vinsælli meðal ferðalanga í Póllandi og jafnframt er þessu ætlað að vekja athygli íslendinga á Varsjá, Krakow og Wroclaw (frábær og falleg borg með tvöfalt fleiri íbúa en Ísland).

Frítt er inn á Kex Hostel og byrjar dagskráin klukkan 14:30.

14:30-15:10 – Beatmakin Troopa
15:30-16:10 – Hatti Vatti
16:40-17:10 – Úlfur Úlfur
17:40-18:10 – The Stubs
18:40-19:10 – Tonik Ensemble
19:50-20.30 – Baasch

Þetta er frábært tækifæri til að setjast aðeins inn, slaka á og hlusta á tónlist. Börn velkomin.

Til að hita upp hvetjum við ykkur til að hlusta á eftirfarandi lag með íslensku sveitinni Tonik Ensemble (sem er samt víst bara einn maður).

New Neighborhoods á Facebook

The post Hvað er New Neighborhoods? appeared first on Velkomin á bloggsíðu Dohop.

Niðurstöður nýjustu verðkönnunar okkar ættu að gleðja marga.

Ekki bara hefur aldrei verið ódýrara að fljúga frá Íslandi, heldur stefnir í að flugverð eigi eftir að halda áfram að lækka fram á haustið.

Meðalverð á flugi frá Keflavík er nú 44.045 krónur báðar leiðir og hefur ekki verið lægra þann tíma sem Dohop hefur framkvæmt verðkannanir.

Aldrei hafa fleiri flugfélög haldið uppi áætlunarflugi til og frá Keflavík og samkeppnin útskýrir að hluta þessar miklu lækkanir á verði, sem og áframhaldandi lágt verð á olíu.

Á grafinu hér fyrir ofan er núverandi meðalverð á flug síðasti rauði punkturinn. Gráa línan sýnir spá okkar um þróun á flugverði.

Þið þurfið ekki einu sinni að lesa meira af þessum pistli, faraði bara beint á Dohop Go! og sjáiði hversu mikið er í boði næstu vikur, báðar leiðir, fyrir minna en 50.000.

23% lækkun á flugverði milli mánaða

Þegar verð á flugi til þeirra áfangastaða sem samkeppni ríkir á markaði er skoðað fyrir næstu vikur kemur fram áberandi lækkun milli mánaða.

Heilt yfir er nú um 23% ódýrara að kaupa flugmiða en það var fyrir mánuði.

Mestu ráða þar miklar lækkanir á flugi til borga í Evrópu, t.d. Mílanó, Kaupmannahafnar og Barselóna.

Hér má sjá meðalverð á flugi til 10 vinsælla borga næstu vikur:

Ódýrara að fljúga sumarið 2016 en 2015

Þegar verð á flugi næstu vikur eru skoðað og borið saman við verð á sama tímabili í fyrra má sjá rúmlega 21% lækkun á meðalflugverði milli ára.

Aldrei hefur verið ódýrara að kaupa flugmiða.

Í Dohop Go má nú t.d. finna flug til 90 borga, allt um eða undir 40.000 krónum báðar leiðir.

Aldrei hafa fleiri flugfélög haldið uppi áætlunarflugi til og frá Keflavík og samkeppnin útskýrir að hluta þessar miklu lækkanir á verði, sem og áframhaldandi lágt verð á olíu.

Einnig má gera ráð fyrir að Dohop hafi aldrei nýst eins vel og um þessar mundir.

Þó að flug sé nú 21% ódýrara en í fyrra gerir Dohop engu að síður enn ráð fyrir frekari verðlækkunum, að því gefnu að verð þróist eins og í fyrra.

The post Flugverð aldrei verið lægra – verðkönnun Dohop appeared first on Velkomin á bloggsíðu Dohop.

Varsjá er frábær borg, en þó getur verið erfitt að rata um í henni fyrir þá sem eru að heimsækja hana í fyrsta skipti.

Borgin er stór og dreifð og hana vantar eiginlegan miðbæ.

En við erum með ábendingar frá heimamönnum sem ættu að auðvelda heimsókn til borgarinnar.

“Við vildum bara vera viss um að þú endaðir ekki í næturklúbbi með einhverjum jakkalökkum að hoppa í takt við euro-trash og það er svo margt að sjá annað en gamla bæinn.”

5 Hlutir til að sjá og gera í Varsjá:

1. Bibenda

Bibenda er frábær veitingastaður í Varsjá

Hvort sem þú ert að leita að letilegum hádegisverði á sunnudegi eða hressandi kvöldmat í lok vikunnar þar sem vínið flæðir, þá er Bibenda staðurinn til að kíkja á.

Matseðillinn byggir á lókal hráefni og pólskum matarhefðum en er með Texas-blæ, þökk sé uppvaxtarárum stofnendans í Austin.

Þú átt eftir að elska þjónustuna og gæludýr hússins, hundinn Buba, sem einnig er að finna á merkimiða vína hússins.

2. Barirnir á Vistula

Varsjá var nýlega valinn ein af topp borgum Evrópu þegar kemmur að mannlífi við árbakka, og það verður sannara með hverjum degi.

Þó að svæðið við ánna hafi verið lítilfjörlegt síðustu ár, hóf borgin uppbyggingu þar fyrir um fjórum árum.

Núna er þar að finna fjöldan allan af börum, tónleikasvæðum og litlum fljótandi veitingavögnum. Þar ættu allir að geta drukkið, borðað og dansað fram eftir nóttu. Farðu bara úr lestinni við Copernicu Center og röltu um og rannsakaðu.

Við mælum sérstaklega með Munchies ef þú fílar “pulled pork”, Barka ef þú ert techno-týpan, Hocki Klocki (sjá mynd hér að ofan) fyfir hip hop og rokk og Cud Nad Wisłą fyrir blandaðra andrúmsloft, t.d. hefur Mike Skinner snúið plötum þar og þar hefur hinn Pólski Kortez einnig spilað.

3. Sögusafn pólskra gyðinga

Sögusafn pólskra gyðinga var nokkur ár í byggingu, af ýmsum pólitískum ásætðum.

En það tendur nú í hjarta fyrrum gyðingagettósins í Varsjá og hefur að geyma mikið af upplýsingum um hina löngu sögu gyðinga í Póllandi auk þess sem arkitektúr byggingarinnar sjálfrar er ansi mögnuð.

Safnið hannaði finnski arkitektinn Rainer Mahlamäki og er húsinu ætlað að minna á það þegar Móses skipti rauða hafinu

Það er gott að taka frá nokkra klukkutíma til að skoða safnið almennilega.

Síðan er áhugavert að enda ferð á safnið með því að ganga um hverfið til að fá tilfinningu fyrir atburðunum sjálfum – útrýmingu gyðinga úr gettóinu 1943.

4. Plac Defilad

Plac Defilad er herferð sem borgin réðist í til að lífga upp á torgið fyrir framan menningarhús borgarinnar. þar tengjast saman næturklúbbar, leikhús og aðrar stofnanir til að hressa upp á þetta almenningssvæði.

Verkefnið er fyrst og fremst í höndum barStudio, þannig að það getur borgað sig að fylgjast með Facebook síðu þeirra til að sjá hvað er í gangi hverju sinni en þú getur verið nokkuð viss um að klukkan 13:00 alla sunnudaga á sumrin sé hægt að finna eitthvað gott að borða þar og hlusta á lifandi tónlist.

Við mælum sérstaklega með New Neighborhoods Festivalinu á barStudio 10. september.

Einnig er á Plac Defilad að finna minni hátíðir, útibíó, leikhúsuppsetningar, tónleika og margt fleira.

5. Plac Zbawiciela

Við þetta torg – sem er í raun hringtorg rétt sunnan við miðborgina – er að finna risastóra hvíta kirkju (Jesus the Savior Church) og hér er helsti sýna-sig-og-sjá-aðra staður Varsjáborgar.

Við mælum með því að fólk byrji á morgunmat á Charlotte (fáðu þér Croque Madame). rölti síðan að Karma í kaffi, fái sér næst Taílenskan mat á Tuk Tuk. Síðan er hægt að drekka fram á nótt á Plan B – allt þetta án þess að yfirgefa torgið.

Torgið, og staðirnir í kring, eru heitasti staður Varsjá hjá yngra fólkinu.

Kíktu á flug til Varsjár
Hótel í Varsjá

The post 5 ástæður til að kíkja til Varsjár appeared first on Velkomin á bloggsíðu Dohop.

Í hverjum mánuði framkvæma Íslendingar hundruð hótelbókana á vef Dohop. Við höfum því tekið saman upplýsingar um það hvernig Íslendingar bókuðu hótel í ágúst og borið saman á milli ára.

Þannig sjáum við hvernig og hvar þið eruð að bóka hótel.

Stærri hótel vinsælli
Næstum tvöfalt fleiri bókuðu gistingu á svokölluðum “Resort” hótelum nú en í ágúst í fyrra.

Resort hótel eru yfirleitt stærri og þar á allt á að vera til alls; matur og skemmtun og margir eyða öllu fríinu á sjálfu hótelinu, sem oft liggur þá að strönd. Sérstaklega virðast stærri hótel á Kanaríeyjum vinsæl þetta árið.

Fleiri leita að gistinu utan hinna hefðbundnu hótela, eins og hostel og íbúða en mun færri velja mótel.

Fólk gistir lengur á hótelunum
Meðallengd dvalar á þeim hótelum sem bókuð voru á Dohop í nýliðnum ágústmánuði er tæpir fjórir dagar. Það er um 20% lengri dvöl en á sama tíma í fyrra þegar meðallengd dvalar var rúmir 3 dagar.

Það virðist því vera að Íslendingar stefni á að fara í lengra frí en á sama tíma í fyrra. ogamfara þessu er töluvert minna um fólk sé að bóka hótel í eina nótt.

Hér má sjá þróunina:

Vinsælustu borgirnar

Borgin sem flestir Íslendingar bókuðu hótel í síðastliðinn ágústmánuð var Tenerife. Í fyrra var Kaupmannahöfn vinsælust. Tenerife var sjötta vinsælasta borgin í fyrra og vinsældirnar því að aukast.

Ekki eru miklar breytingar á því hvaða borgir eru vinsælastar, en átta af tíu vinsælustu borgum ágústmánaðar í fyrra eru enn meðal tíu vinsælustu borga þetta árið.

Hótel á Íslandi falla í vinsældum með Íslendinga

Annað áhugavert sem sést þegar upplýsingar um þær borgir sem flestir íslendingar bóka hótel í eru skoðaðar er að Akureyri og Reykjavík falla mikið í vinsældum milli ára.

Reykjavík, sem var í 4. sæti í fyrra dettur niður í það 7. Akureyri, sem var tíundi vinsælasti áfangastaður Íslendinga í fyrra fellur nú niður í 24. sæti.

Ferðist þið síður innanlands?

The post Íslendingar vilja stærri hótel, færri ferðast innanlands appeared first on Velkomin á bloggsíðu Dohop.

Þú vilt ekki borga of mikið fyrir hótel, er það nokkuð?

Á hótelvef Dohop er nú að finna yfir milljón hótel og gististaði um allan heim. Það er því ekki von um að vita alltaf hvað hótel séu ódýrust eða best hverju sinni.

Hér fyri neðan eru tvö “trikk” til að passa að þú sért örugglega að fá sem mest fyrir peninginn.

1. Fylgstu með lúxustilboðum

Þegar 4- eða 5-stjörnu hótel sem fengið hefur góðar umsagnir gesta og með háa einkunnagjöf samtals er með tilboð eru þau merkt sérstaklega, með appelsínugulum “Lúxustilboð” miða.

Þessi hótel eru því með því allra besta sem hægt er að fá fyrir peninginn. En þessi tilboð birtast oft líka bara þegar fá herbergi eru eftir, þannig að það getur verið gott að bóka þau snemma.

2. Nýttu þér tímabundna afslætti

Þegar hótel er með afslátt þá daga sem þú ert að skoða er það merkt sérstaklega.

Afslættirnir eru yfirleitt á bilinu 20% – 35% en fara alveg upp í 60% stundum.

3 Gríptu ofurtilboð

Stundum sameinast þetta tvennt í ofurtilboð, sem vara þá aðeins í tiltekinn tíma, eins og sést á niðurtalningsklukkunni uppi í hægra horninu. Þarna er mikill afsláttur í stuttan tíma á hóteli sem telst skara framúr.

Munið líka

Oftast nær hægt að afpanta hótel með sjö daga fyrirvara og þá þarf ekki að borga neitt. Bara svona ef þú vilt taka frá hótelherbergi fyrir næsta sumar.

Lestu vel umsagnir gesta sem hafa verið á hótelinu sem þú ert að skoða.

Skoðaðu myndirnar, því hverju hóteli á Dohop fylgir yfirleitt mikið af myndum.

The post Svona færð þú hagstæðustu hótelin á Dohop appeared first on Velkomin á bloggsíðu Dohop.

Hefur þú haft áhyggjur af því að þú þurfir að bóka flug um leið og þú finnur það, annars hækki það um tugi þúsunda?

Það er fátt leiðinlegra en að vera búin að finna fullkomið flug á góðu verði og síðan þegar þú ætlar að bóka það daginn eftir þá er það orðið miklu dýrara.

Hefur þú lent í því?

Jæja, við erum búin að bæta þjónustu frá FLYR við niðurstöðurnar okkar, þannig að þetta vandamál gæti verið úr sögunni.

Nú getur þú nefninlega “fest” verð á flugi, og þannig tryggt að þú getir fengið það á uppgefnu verði, þó það hækki næstu dagana á eftir.

Kostnaður við að festa flugverð er á milli 500 og 1500 krónum og það tryggir að þú þurfir ekki að borga meira en verðið sem þú fannst á Dohop.

Hækki verðið um þúsundir króna næstu daga þarftu samt bara að borga verðið sem fest var.

Lækki verðið hinsvegar lætur FLYR þig vita og þá er hægt að bóka nýja, lægra verðið!

Svona virkar þetta. Þú leitar að flugi eins og venjulega á Dohop og bíður eftir niðurstöðum.

FLYR birtist sem valmöguleiki undir bókunartakka eftir leit, svona:

Þegar þú smellir á “Festa fyrir” birtist eftirfarandi skjár:

Eftir að setja inn tölvupóst og kortanúmer færð þú póst frá FLYR þar sem þú sérð yfirlit yfir flugverðið og hvernig þú getur síðan bókað. Ef verðið lækkar, færðu senda tilkynningu og getur þá bókað á nýja, lága verðinu.

FLYR, Inc. er staðsett í San Francisco og sérhæfir sig í spám um breytingar á flugverði og tryggingum gegn óvæntum breytingum. FLYR hefur úr miklu magni upplýsinga að spila, en spár þeirra og verðáætlanir byggja á sérhæfðu reiknilíkani flugverða, einstöku í heiminum.

The post Óvænt hækkun á flugverði? Ekki lengur. appeared first on Velkomin á bloggsíðu Dohop.

Vissir þú að við getum séð hvert Íslendinga langar að fara?

Þegar við förum yfir það hvert flestir leita að flugi og bóka hótel kemur ansi góð mynd af því hvaða borgir eru vinsælastar.

Og við erum ekki að tala um eina og eina flugleit, því í september gerðu Íslendingar hvorki meira né minna en 430.437 flugleitir á Dohop!

Og það verður að segjast að Íslendingar eru að fara sérstaklega vel troðnar slóðir á næstunni.

Þannig er að tvær borgir eru lang-vinsælastar um þessar mundir, bæði hvað varðar flug og hótel (þetta helst jú í hendur.) Og hvaða borgir eru þetta? Gáum.

Flug – Kaupmannahöfn

Londonog Kaupmannahöfn hafa lengi verið vinsælar á Dohop en sjaldan svona afgerandi langvinsælastar. Mögulega er þetta vísbending um hvert fólk ætlar að fara til að gera jólainnkaupin.

Hótel – London

Áhugavert er að sjá að fleiri bóka hótel í London en í Kaupmannahöfn, þó fleiri séu á leiðinni til Danmerkur.

Ert þú búin að bóka flug á næstunni? Hvert ertu að fara?

The post Þetta eru borgirnar sem þið ætlið til á næstunni appeared first on Velkomin á bloggsíðu Dohop.

Ísland á margt sem er framúrskarandi; fótboltalið, lambakjöt, fossa og, þó sumir viti það ekki, Dohop.

Já. Dohop, sem stofnað var í Reykjavík 2004, er nú í fjórða skipti í röð tilnefnt til World Travel Awards verðlauna í flokknum besta flugleitarvefur í heimi.

Við unnum verðlaunin 2014 og vonumst til að endurtaka leikinn nú.

Af hverju kjósa Dohop?

Hér fyrir neðan má sjá dæmi um hluti sem við höfum gert síðasta árið, mögulegar ástæður þess að Íslendingar ættu að kjósa Dohop.

• Ný vefsíða og nýtt útlit vörumerkis í samstarfi með Bedow
• Valið Nýsköpunarfyrirtæki Íslands 2016
• Knýjum nú flugleit rússnesku leitarvélarinnar Yandex
• Sjáum um tæknina á bakvið GatwickConnects vöru Gatwick flugvallar
• Bætum verðdagatali í flugniðurstöður
• Settum inn verðvernd í samstarfi við FLYR
• Endurbættum appið eftir óskum notenda

Þetta árið er lokaathöfn World Travel Awards, “Óskarsverðlaun ferðabransans”, haldin á Maldive-eyjum, 2. desember.

Maldive-eyjar líta svona út:

Jæja, ert þú búin/n að kjósa Dohop?

The post Er Dohop besta flugleitarsíða í heimi? appeared first on Velkomin á bloggsíðu Dohop.

Gætir þú hugsað þér að fara til Tenerife?

Eins og fram kom í nýlegri athugun okkar á því hvar og hvernig Íslendingar bóka hótel, er Tenerife einn af vinsælustu áfangastöðum notenda Dohop.

Við getum öll verið sammála um að það er ansi fínt að slaka á í sólstól við sundlaugabakkann.

En það skiptir máli hvar þú gistir í fríinu. Við tókum því saman tíu hótel á Tenerife sem hafa verið vinsæl hjá notendum Dohop og fá jákvæð ummæli gesta.

Þið getið smellt á myndirnar til að fá nánari upplýsingar um hvert hótel.

1. Hotel Suite Villa Maria

Í þessari 5 stjörnu hótelsamstæðu eru stór herbergi með verönd og útsýni yfir Atlantshafið.

Sumar íbúðirnar á Hotel Suite Villa María eru með heitum potti og aðrar eru með einkasundlaug. Þær eru allar með ókeypis netaðgangi, setustofu með flatskjá og gervihnattarásum og fullbúnu eldhúsi og baðherbergi með vatnsnuddsturtu.

2.  Sol Tenerife

Vinsælasta hótel notenda Dohop, sannkallað Íslendingahótel.

Á Hotel Sol Tenerife eru þrjár útisundlaugar með sólbekkjum, tennisvöllur og herbergi með sjávarsútsýni.

Loftkæld herbergin á Hotel Sol Tenerife bjóða upp á flísalögð gólf og glaðlega liti. Þau eru með gervihnattasjónvarpi, ísskáp, skrifborði og stól. Boðið er upp á ókeypis WiFi hvarvetna á hótelinu.

Hótelið býður upp á krakkaklúbb, hárgreiðslustofu og matvöruverslun á staðnum.

3. Hótel H10 Las Palmas

H10 Las Palmeras Hotel er 4-stjörnu hótel sem liggur að göngusvæði Playa de las Américas við sjávarsíðuna.

Í hótelgarðinummá finna þrjár útisundlaugar, fjóra veitingastaði og tennisvelli.

4. Palm Beach Club

Þessi aðlaðandi íbúðasamstæða býður upp á töfrandi útsýni yfir Kanaríeyjar og er í 10 metra fjarlægð frá Troya-ströndinni. Á Palm Beach Club er bæði fullorðins- og barnaútisundlaug, líkamsræktaraðstöða, heitur pottur og gufubað.

Íbúðirnar og stúdíóin á Palm Beach Club eru með glæsilegar innréttingar og sundlaugar- eða sjávarútsýni.

Á Palm Beach Club er kaffistofa, bar og úrval af veitingastöðum ásamt matvörubúð og snyrtistofu. Fjöldi verslunarmiðstöðva, bara og veitingastaða eru í 5-mínútna göngufjarlægð.

5. Iberostar Hotel Anthelia

Iberostar Hotel Anthelia, í Adeje, er aðlaðandi dvalarstaður umkringdur görðum í 100 metra fjarlægð frá Fañabe-ströndinni.

Á hótelinu eru þrjár sundlaugar og herbergi með svalir og sjávarútsýni.

Lúxusherbergin á Anthelia eru rúmgóð og loftkæld með verönd eða svölum. Hvert herbergi býður upp á flatskjásjónvarp og koddaúrval.

6. Adrián Hoteles Jardines de Nivaria

Hið íburðarmikla Hotel Jardines de Nivaria er staðsett á Fañabé-ströndinni á suðurhluta Tenerife.

Það býður upp á heillandi garð með tveimur útisundlaugum, heilsulind og nýtískuleg herbergi með ókeypis Wi-Fi-Interneti og sérsvölum.

Á hótelinu er að finna púttvöll, veggtennisvöll, tennisvöll og heilsuræktarstöð.

Heilsulind hótelsins býður upp á gufubað, eimbað og Vichy-sturtu (hvað svo sem það er).

7. Iberostar Grand Hotel El Mirador – Adults Only

Eins og gefur að skilja er þetta ekki hótel fyrir fjölskyldufólk.

Á staðnum eru bar við sundlaugarbakkann, sælkeraveitingastaður að nafni El Cenador og La Tosca Bar sem býður upp á lifandi píanónlist á kvöldin.

Þetta er semsagt hótel fyrir pör eða hópa í leit að barnlausri afslöppun.

8. Aparthotel Columbus

íbúðahótelið Aparthotel Columbus, næst-vinsælasta hótel notenda Dohop, er staðsett nálægt Playa de las Americas-golfvellinum, á suðurhluta Tenerife.

Þar er að finna fjórar útisundlaugar, þar á meðal barnasundlaug, heitan pott og líkamsræktarmiðstöð.

Allar stúdíóíbúðirnar á Aparthotel Columbus eru með svalir, litlu eldhússvæði með ísskáp, helluborði og brauðrist.

9. Apartamentos Playazul

Hin heillandi Apartamentos Playazul er staðsett í miðbæ Playa de las Americas-dvalarstaðarins á Tenerife.

Það er með setustofu með sjónvarpi, sófa og viftu. Öryggishólf er í boði gegn aukagjaldi.

10. Dream Hotel Noelia Sur

Eins og Iberostar Gran Hotel Mirador, þá er þetta hótel ekki fyrir fólk með börn. Hér er þó gengið skrefinu lengra; á hótelinu er nefninlega að finna nektarsvæði.

Á hótelinu er með tómstundasvæði á þakinu með sjóndeildarhringssundlaug með nuddpotti, sólarverönd með Balí-sólbekkjum, líkamsræktar- og vellíðunaraðstöðu, nektarsvæði og bar með útsýni.

Jæja, hvaða hótel líst ykkur best á?

The post 10 frábær hótel á Tenerife appeared first on Velkomin á bloggsíðu Dohop.

Um þessar mundir er hægt að finna tilboð á hótelum í nokkrum borgum, akkurat á réttum tíma fyrir jólainnkaupin.

Við skoðum sérstaklega þrjár uppáhaldsborgir Dohop-notenda og fundum afsæltti á hótelum sem námu allt að 62%.

Flesta daga eru einhver tilboð eða afslættir, en við ákváðum að skoða sérstaklega nokkur góð tímabil fyrir þá hyggjast skreppa erlendis fyrir jólin.

Kíktu bara.

1. Boston

Löng helgi 15 – 18 desember.

Þessa helgi er frábært að heimsækja Boston. Borgin iðar af mannlífi, allir eru í jólagírnum og mikið af tilboðum í búðunum. Já, og það er hægt að finna hótel með hressilegum afslætti núna.

Flug til Boston þess löngu helgi er á rétt rúmar 50.000 krónur.

Á Dohop má líka finna flug til Boston á 35.000 krónur.

2. Kaupmannahöfn

Það þarf ekki að fjölyrða um stemmninguna í Kaupmannahöfn rétt fyrir jól.

Við ætlum í staðinn bara að benda á það að þú kemst þangað fyrir.

Löng helgi, 15. – 18. des:

Rétt fyrir jól, 19. – 21. desember:

Munið líka að með verðdagatali Dohop sést hvenær ódýrast er að fljúga til Kaupmannahafnar.

3. London

Ef þú ferð til London rétt fyrir jól er algjört möst á kíkja í Covent Garden og litlu göturnar í kring. Jólastemmningin gerist varla betri.

8. – 11. desember:

19. – 21. desember:

Hvert langar þig til að fara fyrir jólin?

The post Tilboð á hótelum í þremur frábærum jólaborgum appeared first on Velkomin á bloggsíðu Dohop.

Dohop var valinn besti flugleitarvefur heims á World Travel Awards!

Dohop hefur verið kjörinn “Besti flugleitarvefur heims” (e. World’s Leading Flight Comparison Website 2016) af World Travel Awards. 

Við þökkum kærlega öllum þeim sem gáfu sér tíma til að kjósa okkur.

Með sigrinum erum við í hópi stærstu fyrirtækja heims í ferðageiranum; fyrirtæki á borð við Lufthansa, Hertz, Hilton og Expedia. Dohop er jafnframt eina íslenska fyrirtækið sem tilnefnt hefur verið til lokaverðlauna World Travel Awards.

Fyrr á þessu ári unnum við Nýsköpunarverðlaun Íslands 2016, þannig að þetta eru önnur stóru verðlaunin sem við vinnum í ár.

Við hlutum einnig tilnefningu World Travel Awards sem “Besta tæknilausnin í ferðaiðnaðinum”, (e. World’s Leading Travel Technology Provider 2016) en vann ekki.

Verðlaunahátíðin fór fram á paradísareyjarklasanum Maldives, og var stórglæsileg í alla staði.

Árni már Jónsson veitir verðlaununum viðtöku á Maldive-eyjum á föstudagskvöldið.

The post Dohop – Besti flugleitarvefur í heimi appeared first on Velkomin á bloggsíðu Dohop.

Íslendingar bókuðu alls 37.120 gistinætur á hótelum á Dohop árið 2016. Það er 101 ár af samfelldum svefni.

Meðalhótelgisting Íslendinga er bókuð með 52-daga fyrirvara og meðaldvölin er 3.5 dagar.

Samtals voru þessar gistinætur bókaðir í rétt rúmlega 10.000 mismunandi bókunum (sem þýðir að bókuð eru um 30 hótel á dag á hótelleit Dohop). Þetta er ansi mikið á heilu ári og áhugavert að sjá hvernig þessar bókanir dreifðust.

Kíkjum á það í hvaða borgum flestir bókuðu hótel 2016.

Við tókum líka saman vinsælustu hótel ársins 2016, þau hótel sem flest ykkar gistu í á nýliðnu ári.

5 vinsælustu hótel Íslendinga 2016:

1. Hilton Copenhagen Airport, Kaupmannahöfn

Hér voru gerðar ansi margar bókanir en flestar þeirra voru bara til einnar nætur. Þar sem hótelið er við flugvöllinn í Kaupmannahöfn má ætla að þetta sé helsta “millilendinga”-hótel Íslendinga.

Alls bókuðu 27 sér gistingu hér.

Einn gisti þó í 5 nætur.

2. Cabinn Metro, Kaupmannahöfn

Bókanir á Cabinn Metro voru janfmargar og á Hilton Copenhagen Airport, en þar gisti fólk þó rúmlega tvöfalt lengur að meðaltali.

Svona “millilending-en-kíkjum-samt-í-Tivoli” hótel.

3. Sol Tenerife, Kanaríeyjum

Sol Tenerife er eitt af vinsælustu hótelunum á Tenerife, og eitt uppáhaldshótel notenda Dohop.

Í fyrra gistu Íslendingar samtals í heilar 252 nætur á því, sem er talsvert öðruvísi en fjöldi nótta á hótelunum í Kaupmannahöfn.

4. citizenM Schiphol Airport, Amsterdam

24 gistinætur samtals

5. H2 Hotel Alexanderplatz, Berlin

Hér voru gerðar átján bókanir, fyrir samtals sextíu og eina gistinótt.

Margir þeirra sem fóru til Berlínar í fyrra gistu líka á Park Inn by Radisson Berlin Alexanderplatz. Þar voru sautján bókanir sem samtals náðu yfir fimmtíu og þrjár gistinætur.

Eruð þið búin að bóka hótel fyrir sumarið?

The post Allt um hótelbókanir Íslendinga 2016 appeared first on Velkomin á bloggsíðu Dohop.

Ef þú ert að spá í hvenær sé ódýrast að fara eitthvað á næstunni er gott að vita af þessu.

Það er nefninlega þannig að á Dohop eru tvær leiðir til að sjá verð á flugi fyrir meira en bara einhverjar ákveðnar fastar dagsetningar. Í fyrsta lagi erum við að tala um Dohop Go!, sem getur samt stundum, þótt ótrúlegt megi virðast, verið með of mikið í boði.

Ef þú ert búin að ákveða hvert þú ætlar að fara, og ert nokkurn veginn með dagsetningarnar í huga, þá er verðdagatalið okkar fyrir þig.

Svona ferð þú að:

1. Farðu á Dohop.is og leitaðu að flugi hvert sem er, fyrir einn.

2. Smelltu á bláa renninginn sem birtist, þar sem stendur “Skoða”.

3. Veldu dagapar þar sem verðið er lægst til að sjá uppfært verð

4. Farðu til útlanda 🙂

The post Svona sérð þú verðdagatalið á Dohop (og kemst ódýrt til útlanda) appeared first on Velkomin á bloggsíðu Dohop.

Ef þú átt eftir að skipuleggja sumarfríið þá ættir þú að kunna að meta þessar tillögur.
Þær eiga nokkra hluti sameiginlega: áfangastaðirnir eru við ströndina þar sem hafið er tært og frábært er að sitja með kokteil í sólinni.

Kíktu á listann, veldu þitt uppáhald og ekki gleyma að pakka sólarvörn!

Alíkante
Flug frá 23.00 kr. báðar leiðir

The post Ódýr flug á ströndina frá Keflavík í sumar appeared first on Velkomin á bloggsíðu Dohop.

Ekki fer á milli mála að áhugi Íslendinga á ferðum um framandi slóðir í Asíu er gríðarlegur, eins og mátti sjá á samfélagsmiðlum í gær þegar fjöldi fólks deildi áhuga sínum á að fara þangað í ferðalag.

Ástæðan var leikur sem við settum í gang í gærmorgun, en frá því klukkan átta til miðnættis, skráðu 23.866 manns sig á lista hjá flugleitarvefnum í von um að vinna flug og gistingu í viku fyrir tvo til Asíu.

Í leiknum getur einn heppinn þátttakandi getur unnið draumaferð fyrir tvo til álfunnar. Í pakkanum er flug og gisting í eina viku en hægt er að velja milli sex áfangastaða. Þar á meðal eru þrír vinsælustu áfangastaðir íslenskra ferðalanga sem bókuðu sig í gegnum Dohop til Asíu í fyrra: Bali, Bangkok og Tokyo en þar að auki eru á listanum Kuala Lumpur (Malasía), Phnom Penh (Kambódía) og Phuket (Tæland).

The post 23.866 skráðu sig til leiks fyrstu 16 klukkustundirnar appeared first on Velkomin á bloggsíðu Dohop.

Hér eru ódýrustu flugin um páskana

Hvernig væri að skjótast til London, Osló, Köben eða Parísar í smá páskafrí?

Ef þig langar að krydda aðeins páskafríið í ár þá erum við með lægsta verðið á flugi fyrir þig! Hér eru nokkrar spennandi borgir og flugferðir þangað á frábærum kjörum dagana 13. til 17. apríl.

Við fundum líka bestu tilboðin í dag á hótelum í hverri borg fyrir sig. Þar eru líka ný tilboð daglega. Breyttu til og kíktu út í smá páskafrí.

Osló
Flug frá 21.780 kr baðar leiðir.

London
Flug frá 28.925 kr baðar leiðir.

Amsterdam
Flug frá 27.997 kr baðar leiðir.

Köben
Flug frá 31.051 kr baðar leiðir.

París
Flug frá 36.442 kr baðar leiðir.

The post Hér eru ódýrustu flugin um páskana! appeared first on Velkomin á bloggsíðu Dohop.

Það er engin furða að Spánn sé vinsæll áfangastaður meðal ferðaglaðra Íslendinga. Framboðið á flugi til að komast í sólina er frábært og verðið hefur sjaldan verið betra. Að sama skapi er mjög auðvelt að finna hagkvæma gistingu.

Ef þú ert að velta fyrir þér að fara til Spánar þá er hér úttekt yfir vinsælust áfangastaði Íslendinga á Spáni í sumar. Listinn er byggður á bókunum sem hafa verið gerðar hótelum á dohop.is/hotel fyrstu þrjá mánuðina á árinu.

Við byrjum á vinsælasta staðnum og færum okkur svo niður listann:

Playa de las Americas, Tenerife

Playa de las Américas er orlofssvæði á suðurvesturhluta Tenerife, stærstu eyju Kanararíeyja. Þetta er langvinsælasti spænski áfangastaður Íslendinga, mun vinsælli en bæði Barcelona og Madrid.
Vinsælustu hótelin á Playa de las Américas miðað við bókanir á dohop.is/hotels eru: Hotel Cleopatra Palace, H1 Hotel Conquistador og Sol Tenerife.

Kíktu á lágt verð á hótelum í Playa de las Americas.

Adeje, Tenerife

Í öðru sæti er Adeje bær, sem er líka á Tenerife. Adeje er á suðvesturhluta eyjunnar. Þaðan er aðeins 14 mínútna bíltúr til vatnsrennibrauta- og skemmtigarðsins Siam Park, þar sem eru leiktæki við allra hæfi en líka strönd til að slaka á.
Vinsælustu hótelin í Adeje miðað við bókanir á dohop.is/hotels eru: Tagoro Family & Fun Costa Adeje,  Iberostar Bouganville Playa og Labranda Isla Bonita.

Kíktu á verð á hótelum í Adeje.

Benidorm Resort, Alicante

Í þriðja sætinu á listanum er Benidorm, sem þarf tæplega að kynna fyrir Íslendingum. Þessi strandbær á austurströnd Spánar hefur lengi verið meðal allra vinsælustu áfangastaða þeirra sem vilja njóta lífsins við Miðjarðarhafið. Þetta er hinn fulkomni fjölskylduáfangstaður.

Í næsta nágrenni eru frábærir skemmtigarðar eins og leiktækjagarðurinn Terra Mitica, vatnsrennibrautargarðurinn Aqualandia og dýragarðurinn Terra Natura. Svo teygja tvær breiðar strendur úr sér við borgina, Levante strönd og Poniente strönd.

Vinsælustu hótelin í Benidorm, miðað við bókanir á dohop.is/hotels eru: Apartamentos Gemelos 2 – Beninter og Apartamentos Torre Yago.

Kíktu á verð á hótelum í Benidorm.

Barcelona

Þegar kemur að borgarferðum er Barcelona vinsælasti áfangastaðurinn meðal Íslendinga og í fjórða sætinu á þessum lista. Það hefur örugglega mikið að segja að framboð af flugi þangað er sérlega hagkvæmt einsog má sjá hér.

Borgin er frábær fyrir þá sem hafa gaman af því að heimsækja söfn og skoða byggingarlist á heimsmælikvarða, kirkjuna La Sagrada Familia, Gotneska hverfið og verki Gaudis svo aðeins örfá dæmi séu tekin.

Þeir sem hafa gaman af að fara í búðir finna líka nóg við sitt hæfi og verðlagið er afar gott. Þarna eru til dæmis Zara, Massimo Duti og Bershka á heimavelli og auk þess má finna verslanir frá flestum fremstu hönnuðum heims í borginni. Svo er Barcelona full af frábærum veitingastöðum þar sem er hægt að láta dekra við bragðlaukana.

Meðal vinsælla hótela í Barcelona, miðað við bókanir á dohop.is/hotels eru: Hotel SB Diagonal Zero Barcelona , sem er fimm mínútur frá ströndinni, og Hotel SB Icaria.

Kíktu á verð á hótelum í Barcelona.

Alicante

Í fimmta sæti er Alacante, sem er staðsett á miðri Costa Blanca – Hvítu ströndinni. Þessi iðandi hafnar- og ferðamannaborg er einn mikilvægasti áfangastaður austurstrandar Spánar. Í nágrenninu eru fjölmargir frábærir golfvellir og dásamlegar strendur. Yfir borginni, á toppi Benacantil fjalli, gnæfir svo hin tilkomumikli Santa Barbara kastali sem er gaman að skoða.

Það er ódýrt að fljúga til Alicante og framboðið er fjölbreytt, hér má sjá ódýrasta flugið.

Meðal vinsælla hótela í Alicante, miðað við bókanir á dohop.is/hotels eru: Hotel Maya Alicante, Sercotel Suites del Mar og Abba Centrum Alicante.

Kíktu á lágt verð á hótelum í Alicante.

The post Til að auðavelda þér valið höfum við kortlagt vinsælustu áfangastaði Íslendinga á Spáni appeared first on Velkomin á bloggsíðu Dohop.

Berlín

Amsterdam

Napólí

Los Angeles

Veistu hvar fæst góður matur í þessum borgum? Smelltu endilega inn athugasemd um uppáhalds veitingastaðina þína og hverju þú mælir með á hverjum stað.

The post Viltu dekra við bragðlaukana á ferðalaginu? appeared first on Ferðablogg Dohop, góð ráð og besta verðið.

Ertu að spá í að fara í ferðalagi í haust en átt eftir að ákveða þig? Hér eru nokkrar tillögur um frábæra áfangastaði í Evrópu sem eiga það sameiginlegt að skarta sínu fegursta í haustlitunum.

Transylvanína

Hljómar ekki spennandi að eyða Hrekkjavökunni á slóðum Drakúla í Transylvaníu? Þetta sögufræga rúmenska hérað býður upp á víðfema skóga, tignarlega fjallstinda og miðaldabæi með mikilfenglegum kastölum. Meðal þess sem er gaman að gera á þessum slóðum er að heimsækja Bran kastalann, Pelese kastalann og halda upp í Karpatafjöllin, aka um Fagaras fjallgarðinn og fara í gönguferð um Craiului þjóðgarðinn þar sem útsýnið yfir landslagið er stórbrotið.

Ferðlagið til Transylvaníu frá Búkarest tekur aðeins þrjá klukkutíma með lest eða bíl.

Hér eru ódýrustu fargjöldin til Búkarest. 

Búdapest

Höfuðborg Ungverjalands nýtur ekki verðskuldaðrar athygli. Fáar borgir í heiminum eru fegurri en Búdapest og hún er upp á sitt allra besta á haustin. Afar auðvelt er að láta sér líða verulega vel í Búdapest. Ein leið er að heimsækja baðhúsin frábæru sem sækja vatn sitt í heitar náttúrulindir undir borginni. Meðal baðhúsa sem má mæla með eru Gellert Spa og hin tilkomumiklu Szechenyi böð, þar sem eru þrjár útilaugar og fimmtán undir þaki, auk gufubaða af ýmsum gerðum.

Að baðferð og slökun lokinni er svo kjörið að halda á ungverskt veitingahús og fá sér kraftmikið gúllas.

Hér eru ódýrustu fargjöldin til Budapest.

Glasgow

Þegar haustlitirnir eru að springa út er dásamlegt að vera í borg sem er full af trjám og almenningsgörðum. Þannig er Glasgow einmitt. Til að sækja sér yl í kroppinn er notalegt að setjast inn á Willow Tea Rooms eða einhverja aðra af fjölmörgum testofum borgarinnar. Svo má auðvitað fá sér eitthvað meira hjartastyrkjandi einsog Skotarnir hafa sjálfir svo gaman af.

Og vel á minnst, fargjaldið frá Keflavík til Glasgow, kostar aðeins frá 18.000 krónum.

Hér eru ódýrustu fargjöldin til Glasgow.

Loire dalurinn

Í Evrópu nær uppskerutími vínberja sumstaðar inn í október. Þar á meðal er Loire dalurinn sem er í um það bil þriggja klukkustunda ökuferð frá París. Ferðlag um þennan frjósama dal er eins og heimsókn í ævintýraland þar sem hver kastalinn á fætur öðrum teygir turnspírur sínar til himins. Á uppskerutímanum iða akrarnir af fólki og þröngir sveitavegirnir fyllast af dráttarvélum. Í vínsmökkunarferðunum eru dýrindis vín í boði og þarna er matargerðarlistin líka höfð í hávegum.

Hér eru ódýrustu fargjöldin til Paris.

Toskana

Á Ítalíu er uppskeru sumarsins fagnað á haustin með hátíðahöldum og viðburðum af ýmsu tagi. Ef þig langar að fara í leit að góðgæti einsog sveppum, trufflum eða kastaníuhnetum, þá er Toskana í október rétti staðurinn fyrir þig. Á sama tíma er vínberjatínslunni að ljúka og framleiðslan að hefjast með tilheyrandi fjöri á hverjum stað.

Í nóvember er svo komið að ólífuuppskerunni í þessu mikla landbúnaðarhéraði allsnægta þar sem er alltaf tilefni til að gera vel við sig með dásamlegum mat og drykk.

Hér eru ódýrustu fargjöldin til Flórens.

The post Nokkrir afbragðs áfangastaðir í haust appeared first on Ferðablogg Dohop, góð ráð og besta verðið.