Reykjavík, 30. október 2015

Lesendur Bandaríska dagblaðsins USA Today hafa valið Dohop besta vefinn og appið fyrir ferðalög (Best App/Website for transportation). Þetta var tilkynnt á vef blaðsins, USA Today, í dag.

Lesendur USA Today völdu Dohop framyfir 19 önnur fyrirtæki í ferðaiðnaðinum. Á meðal samkeppnisaðila voru þekkt fyrirtæki á borð við Kayak og umdeilda leigubílafyrirtækið Uber.

Vefur USA Today er með um 80 milljón heimsóknir í hverjum mánuði og um 900 milljónir flettinga, auk þess sem prentútgáfa blaðsins nær til þriggja milljóna lesenda daglega.

“Þetta er stórkostlegt. Okkur fannst frábært en þó óvænt að vera tilnefnd þar sem við erum ekki með stóra hlutdeild á bandaríska markaðnum. En að fá þessa viðurkenningu frá lesendum blaðsins er ótrúlegt. Í þeirra augum erum við ekki íslenskt fyrirtæki heldur bara frábær vefsíða,” segir Davíð Gunnarsson, framkvæmdastjóri Dohop.

# # #

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Dohop hlýtur lesendaverðlaun USA Today appeared first on Dohop - Ferðalög og fleira.

Reykjavík, 3. nóvember 2015

• easyJet stundvísast við bæði brottfarir og komur
• WOWair var óstundvísasta flugfélagið, 3. mánuðinn í röð
• Icelandair felldi niður tvö flug í október

Dohop hefur skoðað stundvísi flugfélaga í nýliðnum mánuði og kom í ljós að breska flugfélagið easyJet var stundvísast bæði við brottfarir og komur þriðja mánuðinn í röð. 77% brottfara flugfélagsins frá Keflavík og 82% komufluga voru á réttum tíma. Meðaltöf við brottfarir hjá easyjet var 10,47 mínútur og við komur 8,83 mínútur.

Þriðja mánuðinn í röð reyndist WOWair vera óstundvísasta flugfélagið með 65% brottfara á réttum tíma og 57% við komur. Meðaltöf flugfélagsins við bæði brottfarir og komur í október reyndist vera meira en hálf klukkustund.

Aðeins voru felld niður tvö flug í október, bæði hjá Icelandair.

# # #

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma. Hér eru aðeins birtar tölur flugfélaga sem eru með fleiri en 50 áætlunarflug á mánuði.

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Stundvísi flugfélaga í október 2015 appeared first on Dohop - Ferðalög og fleira.

Reykjavík, 2. desember 2015

• Icelandair stundvísast við brottfarir með 83% á réttum tíma
• easyJet og WOWair voru óstundvísustu flugfélögin
• Aðeins tvö flug felld niður í nóvember

Dohop hefur skoðað stundvísi flugfélaga í nýliðnum mánuði og kom í ljós að Icelandair var stundvísast við brottfarir, með 83% brottfara á réttum tíma. Við komur var breska flugfélagið easyJet stundvísast með 77% koma á réttum tíma. Meðaltöf við brottfarir hjá Icelandair var 5,66 mínútur og meðaltöf við komur hjá easyJet var 8,45 mínútur.

easyJet reyndist vera óstundvísasta flugfélagið við brottfarir í nóvember með 65% á réttum tíma og meðaltöf tæpar 13 mínútur. Wowair var óstundvísasta flugfélagið við komur með aðeins 54% koma á réttum tíma og meðaltöf um 25 mínútur.

Aðeins voru felld niður tvö flug í nóvember, bæði við komur. Icelandair felldi niður annað þeirra en hitt felldi WOWair niður.

# # #

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma. Hér eru aðeins birtar tölur flugfélaga sem eru með fleiri en 50 áætlunarflug á mánuði.

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Stundvísi flugfélaga í nóvember 2015 appeared first on Dohop - Ferðalög og fleira.

Dohop reiknar mánaðarlega út meðalverð á flugi frá Keflavík til fjölda áfangastaða. Í hverjum mánuði verður þannig til skrá yfir meðalverð á flugi 2, 4, og 8 vikur fram í tímann. Þegar þetta er tekið saman má því sjá hvernig flugverð þróast yfir árið og þannig má einnig sjá í hvaða mánuði flugverð er hæst og til hvaða áfangastaða mestar breytingar eru á flugverði.

Sumarið dýrast

Dýrasti tíminn til að ferðast er einnig sá vinsælasti; júní og júli. Meðalverð á flugi til vinsælustu áfangastaða íslendinga er um 70,000 þá, en er um 50,000 þegar það er lægst; í október. Mestu ræður þar verð á flugi til New York og Boston, en það fellur síðustu fjóra mánuði ársins.

Ódýrast virðist vera að fara til Osló, Manchester og Edinborgar en af þeim borgum sem skoðaðar voru er ódýrasta flugið báðar leiðir til Osló í október, eða um 28,000 krónur.

Flökt á flugverði

Minnst breyting er á flugverði milli mars- og aprílmánaða en þá helst flugverð næstum óbreytt.

Mest breytist flugverð þegar sumarhækkunin á sér stað milli maí og júni, en þá hækkar flugverð um rúmar 14,000 krónur að meðaltali. Mæsta lækkunin er síðan á milli júlí og ágúst þegar meðalverð fellur aftur um tæpar 14,000 krónur.

Aðferð

Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur. Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil. Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd. Hér var tekin saman þróun á flugverði til 10 borga yfir árið.

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

The post Þróun flugverðs 2015 appeared first on Dohop - Ferðalög og fleira.

Hvaða flugfélag er oftast seint? Eru íslensku flugfélögin líklegri til að vera á réttum tíma en þau erlendu?

Í hverjum mánuði skoðum við hvaða flugfélög voru oftast á réttum tíma og hver voru oftast sein, bæði við brottfarir og komur til Keflavíkur. Og þegar árið er skoðað í heild má sjá eitt og annað forvitnilegt.

Icelandair stundvísasta íslenska flugfélagið 2015

Dohop hefur tekið saman upplýsingar um stundvísi flugfélaga á nýliðnu ári. Þegar íslensku flugfélögin eru skoðuð sérstaklega sést að Icelandair er það íslenska flugfélag sem oftast var á réttum tíma. Primera var oftar með brottfarir á réttum tíma en heilt yfir er Icelandair stundvísasta flugfélag Íslands.

SAS stundvísast allra, Delta óstundvísast

Af þeim erlendu flugfélögum sem halda uppi reglulegu flugi til Ísland var SAS stundvísast. SAS er einnig stundvísasta flugfélagið heilt yfir, þegar allt flug til og frá Keflavík er tekið saman.

Delta var óstundvísast allra flugfélaga heilt yfir, en þegar allt flug er tekið saman voru komur og brottfarir Delta á réttum tíma í aðeins 61% tilvika.

Íslensk flugvélög í samanburði við þau erlendu

Þegar flugfélögin eru borin saman eftir því hvort þau eru innlend eða erlend má sjá að á nýliðnu ári voru erlendu flugfélögin stundvísari. Þannig voru flug þeirra á réttum tíma í 78% tilvika en íslensku voru á réttum tíma í rétt tæplega 75% tilvika.

Þegar brottfarir frá Keflavík eru skoðaðar sérstaklega sést að íslensku flugfélögin voru stundvísari en við komur voru þau mun líklegri til að vera sein.

Útskýring á þessu er mögulega sú að fyrstu flug hvers dags eru líklegust til að vera á réttum tíma. Við komur til Keflavíkur er um heimflug að ræða í tilvikum íslensku flugfélagana en yfirleitt fyrsta flug dagsins hjá þeim erlendu.

Hollráð Dohop

Við þetta má bæta að seinkanir eiga það til að aukast þegar líður á daginn. Þannig eru morgunflug líklegust til að vera á réttum tíma og fólk sem vill tryggja það að komast á leiðarenda á réttum tíma eða sem vill vera visst um að ná tengiflugi ætti að bóka morgunflug, jafnvel þó það kosti aðeins meira.

The post Stundvísi flugfélaga 2015 appeared first on Dohop - Ferðalög og fleira.

Samtökin EyeforTravel hafa tilnefnt íslenska ferðavefinn Dohop til verðlauna í tveimur flokkum; besta notendaupplifun í snjallsíma og besta snjallsímaforrit (app).

Verðlaunin, sem stofnuð voru 2011, kallast “Mobile Innovation in Travel Awards” og er þeim ætlað að verðlauna og ýta undir framfarir í snjallsímalausnum sem eru notendum til góða.

Þrjú fyrirtæki í hverjum flokki komast í úrslit sem haldin verða 14. mars næstkomandi á ráðstefnu EyeforTravel í San Francisco. Kosning í EyeforTravel Mobile innovation in Travel Awards er opin til 19. febrúar. Atkvæði gilda 50% á móti mati dómnefndar. Hægt er að kjósa hér.

Snjallsímaforritt Dohop gerir notendum kleyft að skoða mikinn fjölda flugverða sem í boði eru frá þeim flugvelli sem næstur er notandanum, án þess að notandinn þurfi að leita sérstaklega. Snjallsímaforrit frá Tripadvisor og easyJet eru tilnefnd í sama flokki ásamt sautján öðrum.

Íslenska vefstofan Skapalón

Vefur Dohop er svo tilnefndur fyrir notendaupplifun í snjallsíma, en hann var hannaður af vefstofunni Skapalón og fór í loftið 2012. Hönnunin tók þá mið af því að sífellt fleiri kusu að leita að og bóka flug í snjalltækjum og vefurinn lagar sig að skjástærð notandans.

Dohop vann Íslensku vefverðlaunin árið 2012 í flokknum Besti upplýsinga og þjónustuvefurinn og hefur í kjölfarið unnið World Travel Awards sem besta flugleitarvefur heims og var nýlega valinn besti vefurinn til að skipuleggja ferðalög af lesendum USA Today.

Kosning í EyeforTravel Mobile Innovation in Travel Awards er opin til 19. febrúar. Atkvæði gilda 50% á móti mati dómnefndar. Þrjú fyrirtæki í hverjum flokki komast í úrslit sem haldin verða 14. mars næstkomandi á ráðstefnu EyeforTravel í San Francisco.

Aukningin í notkun snjalltækja

Gífurleg aukning er í heimsóknum notenda sem kjósa snjalltæki. Fyrstu vikur janúar á síðasta ári voru um 36% heimsókna á Dohop úr snjalltækjum en eru um 47% á fyrstu vikum þessa árs. Íslendingar eru þó ólíklegri en notendur frá öðrum löndum til að heimsækja vefinn í snjalltækjum, en aðeins um 28% íslendinga heimsóttu Dohop í snjalltækjum fyrstu tvær vikur ársins.

Besta ársbyrjun í sögu Dohop

Tilnefningin kemur í kjölfar bestu ársbyrjunar í sögu fyrirtækisins, en janúarmánuður stefnir í að verða um 40% stærri m.t.t. tekna fyritækisins en sami mánuður í fyrra. Áberandi mikil aukning heimsókna er frá Íslandi.

The post Dohop tilnefnt til verðlauna fyrir snjallsímalausnir appeared first on Dohop - Ferðalög og fleira.

Dohop hefur tekið saman flugverð frá Íslandi næstu vikur og borið saman verð til áfangastaða þar sem samkeppni er á markaðnum.

Við skoðum hvað kostar að bóka flug til fjölmargra borga tvær, fjórar og átta vikur fram í tímann og reiknum meðalverð.

Ódýrast að fara til Þýskalands

Í verðkönnun okkar má sjá að ódýrara er að fljúga til Dusseldorf og Berlínar á næstu vikum en til Kaupmannahafnar eða London.

Meðalverð á milli mánaða helst nokkuð stöðugt, lækkar þó um 2.6%, en það er í takt við þróun ársins í fyrra.

Verð á flugi til New York og Boston hækkar um 7% og 1.4%, en búast má við frekari hækkunum ef mið er tekið af verðþróun ársins 2015.

Meðalverð lágt núna

Þegar skoðuð er þróun flugverðs á árinu 2015 sést að apríl er góður mánuður til að bóka flug, en strax í maí fer meðalverð á bókuðu flugi að hækka.

Meðalverð á flugi í mars 2015 var 54,003 en er núna 47,720. Það er því rúmlega 10% ódýrara að ferðast nú en það var í fyrra.

Búast má við að það meðalverð haldist út apríl en að strax í maí fari flugverð að hækka.

Þegar meðalverð á bókuðu flugi fyrstu þrjá mánuði ársins 2016 er borið saman við meðalverð þriggja fyrstu mánaða 2015 má sjá að töluvert ódýrara hefur verið að bóka flug 2016.

Ef skoðuð er þróunin frá því í fyrra er líklegt að verð á flugi til norðurlandana fari að hækka bráðlega, en fólk á leið til Parísar eða Amsterdam geta beðið aðeins með að bóka sín flug.

Verð á flugi til London og Bandaríkjanna hækkaði snarlega þegar leið á vorið í fyrra, þannig að nú er góður tími til að bóka það flug.

Aðferð

Dohop beitir sambærilegri aðferð og Hagstofa Íslands við samantekt gagna á fargjöldum.

Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur.

Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil.

Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd.

Hér má síðan sjá hvernig verð á flugi til vinsælla borga þróaðist yfir árið í fyrra. Punktarnir segja til um hversu dýrt var að kaupa flug til viðkomandi borgar í viðkomandi mánuði (semsagt meðalverð á fluginu tvær, fjórar og átta vikur fram í tímann).

Kíktu á Dohop og gáðu hvort þú finnir ekki ódýrt flug.

The post Verðkönnun Dohop apríl 2016 appeared first on Velkomin á bloggsíðu Dohop.

Það sem af er ári hafa Íslendingar framkvæmt rúmlega eina og hálfa milljón flugleita á Dohop.

Við trúum þessu varla heldur.

Í síðustu viku settum við nýja útgáfu af flugleitinni í loftið, útgáfu sem er töluvert frábrugðin því sem hún hefur verið síðastliðin ár.

Við vorum auðvitað meðvituð um að viðbrögðin yrðu ekki öll jákvæð (sem var raunin) en heilt yfir virðist allt hafa gengið vel og Íslendingar tekið breytingunum með opnum hug.

Íslendingar og leitin að flugi

Meðal íslenski notandi Dohop kvenkyns, er að leita að flugi til Kaupmannahafnar að kvöldi mánudags og eyðir um fimm mínútum í það, allt frá því að hún kemur inn á vefinn þar til hún er komin með miðan til Köben.

Eins og sjá má í grafinu hér fyrir neðan leita flestir að flugi á mánudögum, og fæstir á laugardögum (hver nennir að vera á internetinu á laugardögum?).

Við getum auðvitað aðeins talað fyrir okkur sjálf, en engu að síður má þykja líklegt að þetta sé nokkuð almenn notkun Íslendinga á internetinu.

En síðan má skoða hvenær dags fólk leitar að flugi. Síðustu 10 vikur hafa flestir leitað að flugi í kringum hádegið og síðan á milli 21:00 og 23:00. Ætli fólk sé að leita í vinnutíma og bóka á kvöldin?

Annað sem okkur þykir áhugavert er að skoða hvert allt þetta fólk er að fara á árinu.

Hvert ætla allir að fara?

Þegar við skoðum þessar 1.5 million leitir má glögglega sjá hvert Íslendingar ætla þetta árið.

Í hvert skipti sem leit er framkvæmt á Dohop geymum við upplýsingar um hvar í heiminum viðkomandi er, hvenær leitin er gerð og hvert á að fara. (Ekkert af þessu er persónugreinanlegt. Við vitum í raun ekkert nákvæmara um hvern og einn notanda en hvar í heiminum hann er).

Þetta árið eru langflestir búnir að leita að flugi til Kaupmannahafnar. Og þá meinum við langflestir.

Á eftirfarandi grafi má sjá hvernig leitir skiptast á milli vinsælustu áfangastaða Íslendinga 2016, samkvæmt leit á vef Dohop:

Það er líka áhugavert að skoða hvað er ekki inni á topp tíu listanum. Til dæmis er engin borg þarna utan evrópu. Miðað við hversu mikið dýrara það er að fljúga til Bandaríkjanna eða Asíu er það reyndar alveg eðlilegt.

Og þó.

Sú sem kemst næst er Bangkok í sæti 11, og síðan New York í sæti 22 og Orlando í sæti 25. Af þeim fimmtíu borgum sem Íslendingar leita að flugi til eru aðeins fimm utan Evrópu.

Hvað með sumarið?

Ef við skoðum leit Íslendinga að flugi yfir sumartímann er nokkur breyting á listanum. Kaupmannahöfn er reyndar ennþá í fyrsta sæti en París treður sér í annað sætið.

Tvær franskar borgir í viðbót, Nice og Lyon koma inn á listann og því má ætla að einhverjir séu að fara að fylgjast með fótbolta í sumar.

Þar hafið þið það.

The post Eitt og annað áhugavert um flugleitir Íslendinga 2016 appeared first on Velkomin á bloggsíðu Dohop.

Notendur spyrja okkur oft hvort ekki sé hægt að sjá verð í kringum ákveðnar dagsetningar, í stað þess að þurfa að leita aftur og aftur.

Stundum langar þig bara sjá verð til áfangastaða á nokkurra daga tímabili. Best auðvitað ef það væri hægt að sjá dagatal yfir verð báðar leiðir á einhverju tímabili.

Við kynnum…

Verðdagatal Dohop

Nú getur þú séð hvað kostar að fljúga á dögum nálægt dagsetningunum sem þú byrjaðir með. 

Á myndinni fyrir ofan sést t.d. að spara má 13.464 krónur með því að fljúga heim þremur dögum fyrr (en það er kannski ekkert gaman) en líka að spara má 10.000 með því að fljúga heim degi seinna.

Og þannig nær viðkomandi einum degi í viðbót í París.

Eða skoðaðu þetta flug til Amsterdam.

Í heildina sýnir dagatalið þér verð fyrir 49 dagapör í einu.

Nokkur dæmi þar sem verðdagatalið kemur að góðum notum:

Flug til Kaupmannahafnar þar sem spara má rúmlega 9.500

Flug til London þar sem spara má 15.000 krónur.

Flug til New York sem sýnir mögulegan sparnað upp á 30.000 krónur

Þekkir þú einhvern sem er búinn að vera að bíða eftir einmitt þessu?

The post Nýjung á Dohop – Sjáðu verðdagatal appeared first on Velkomin á bloggsíðu Dohop.

Við erum til af því að þið viljið ferðast. Og við vorum að bæta svolitlu við Dohop sem ætti að gera ferðalagið auðveldara.

Á Dohop hefur fólk lengi getað leitað að ódýru flugi, herbergjum í vel staðsettum hótelum og bílaleigubílum sem ilma vel.

Fyrir tveimur vikum kynntum við verðdagatalið okkar til leiks og fólk tók vel í það.

Í dag kynnum við enn eina nýjung við flugleitina okkar. Eitthvað sem hefur vantað.

Ódýrast – Fljótlegast – Best

Hingað til hefur verið hægt að flokka niðurstöður á flugleit Dohop á tvo vegu; eftir verði og eftir heildartíma ferðalags.

Nú sérðu einnig hvaða flugáætlanir við teljum vera bestar.

Hér fyrir ofan má sjá frábært dæmi um þetta.

Hér erum við með flug til Lissabon, höfuðborgar Portúgal í júlí. Við birtum í fyrstu þá valmöguleika sem eru ódýrastir, enda nota flestir Dohop til að finna sér ódýrt flug.

Þarna má líka raða eftir því hversu langur ferðatíminn er.

Nýlega bættum við nýrri leið til að flokka niðurstöður úr flugleit við Dohop.

Best!

Þegar við sorterum flug eftir því hvað er best tökum við tillit til verðs, flugtíma, millilendinga, tíma á milli tengifluga, hvort ferðalagið krefjist þess að gist sé á milli fluga og meira í þeim dúr.

Oft er ódýrsta flugið best. En stundum er það þess virði að borga aðeins meira til að komast fyrr á áfangastað eða til að forðast stress á flugvellinum.

Og nú er það hægt. 🙂

Þrjú dæmi:

1. Flug til Tenerife þar sem fljótlegasta flugið er dæmt betra en það ódýrasta:

2. Flug til Madríd þar sem hvorki ódýrasta né fljótlegasta teljast best:

3. Flug til Prag, besta er annað en það sem er ódýrast eða fljótlegast:

Nú er Dohop ekki bara með ódýrasta flugið, heldur líka það besta.

Prófaðu bara.

The post Ódýrasta flugið er ekki endilega það besta. Sjáðu bara. appeared first on Velkomin á bloggsíðu Dohop.

Dohop hefur borið saman flugverð frá Íslandi næstu vikur til áfangastaða þar sem samkeppni er á markaðnum.

Helstu breytingar eru þær að flugverð er tekið að hækka eins og Dohop spáði reyndar um þegar verðgögn síðasta árs voru skoðuð. Gera má ráð fyrir að verð hækki enn meira þegar líða tekur á sumarið.

9% hækkun á flugverði

Þegar verð á flugi til tuttugu borga þar sem samkeppni ríkir milli flugfélaga má greina áberandi hækkun á milli maí og júní.

Til átta af þessum tuttugu er breytingin rúmlega 20%, en minni til annara. Verð hækkar áberandi til vinsælla borga í Evrópu, eins og Amsterdam, Berlínar, London og Kaupmannahafnar.  

Mest er hækkunin á verði á flugi til Billund, eða um 34%. 

Mesta lækkunin á flugverði milli mánaða er hinsvegar til Mílanó, eða um 25%. 

Verð á flugi til Bandaríkjanna helst aftur á móti óvenjustöðugt milli mánaða; verð á flugi til New York hækkar lítillega, eða um 1% og 4.9% er á flugi til Boston.

Gera má ráð fyrir að borga rúmlega 6.000 krónum meira fyrir meðalflugmiða nú en fyrir mánuði.

Hvert er ódýrast að fara?

Ódýrast er að fara til Edinborgar næstu vikur, en þangað kostar að meðaltali 38.000 krónur rúmlega að fljúga. Þó má finna flug til Edinborgar báðar leiðir fyrir allt niður í 24.000 krónur tæpar á Dohop Go.

Ennþá ódýrara er að fara til Belfast, eða allt niður í 15.000 krónur. Belfast er þó ekki með í verðkönnun Dohop sökum þess að þangað er ekki samkeppni í áætlunarflugi.

Mikið ódýrara að fljúga erlendis nú en sumarið 2015

Miðað við sama tíma í fyrra, hins vegar, er um 20% ódýrara að fljúga í ár. Helsinki er eina borgin af þeim tuttugu sem Dohop skoðar sem dýrara er að fljúga til í ár en í fyrra.

Núna er á milli 9% og 40% ódýrara að kaupa flugmiða en á sama tíma í fyrra. Mestur munurinn er þar á flugi til Parísar.

Í heildina má gera ráð fyrir að borga um 15.000 krónum minna fyrir flugmiðan núna en fyrir ári.

Við spáum aftur frekari hækkunum á flugverði þegar líður tekur á sumarið, sérstaklega á flugi til Bandaríkjanna, þannig að núna er tíminn til að bóka flug fyrir sumarið ef þið eruð ekki nú þegar búin að því.

The post Verðkönnun Dohop júní 2016 appeared first on Velkomin á bloggsíðu Dohop.

Áfram Ísland!

Dohop kemur Íslendingum og öðrum þjóðum á Evrópumeistaramótið í Frakklandi !

Við erum stolt af því að gera stuðningsmönnum um heim allan kleift að finna ódýr flug og hótel og möguleika á að bóka bílaleigubíl á góðu verði fyrir þennan einstaka viðburð í Frakklandi.

“Team Dohop” lætur sig ekki vanta á völlinn til að styðja við sitt lið og verður í stúkunni til að upplifa fyrsta leik Íslands á EM. Fyrsti leikur Íslands verður á móti liði Portúgals á Stade Geoffroy Guichard í Saint-Étienne þriðjudaginn 14. Júní.

Það eru nokkrar staðreyndir sem gerir þátttöku Íslendinga á EM sérstaklega magnaða. Ísland er fámennasta þjóðin til að taka þátt í EM frá upphafi. Ekki nóg með það að vera fámennasta þjóðin heldur eiga Íslendingar einnig fámennustu atvinnumannadeildina af þeim þjóðum sem hafa unnið sér inn réttindi til þátttöku á EM.

Íslendingar státa af 75 atvinnumönnum og einhverjir þeirra gegna öðrum störfum samhliða atvinnumennskunni. Til dæmis er gaman er að segja frá því að markmaðurinn Hannes Þór Halldórsson er starfandi framleiðandi og kvikmyndagerðamaður og þjálfarinn Heimir Hallgrímsson er í raun menntaður tannlæknir og samkvæmt Wikipedia er hann fæddur á þessum degi 10. júní 1967. Til hamingju með afmælið Heimir !

Verkfall í Frakklandi – Vert að hafa í huga !

Nokkrar starfsstéttir eru í verkfalli í Frakklandi og hefur það haft áhrif á samgöngur svo sem flug, lestarleiðir og fleira. Til að forðast að lenda í vandræðum er vert að hafa í huga að farþegum ber að fylgjast vel með fréttum frá því flugfélagi er bókað var hjá og vera í sambandi við þjónustuver þeirra ef til kemur. Air France hefur þó sent frá sér tilkynningu þess efnis að þeir hyggjast fljúga 90 % af áætluðu flugi þennan tiltekna dag 11.júní. Yfirvofandi verkfall hefur verið tilgreint frá og með 11. júní til og með 14. júní.      

Ef upp kemur sú staða að þú þurfir að breyta ferðaplönum vegna  fyrirhugaðs verkfalls getur Dohop auðveldað þér leitina að viðeigandi flugi, hóteli eða bílaleigubíl.

The post Ísland á EM 2016 appeared first on Velkomin á bloggsíðu Dohop.

Strax eftir að leik Íslands og Portúgals lauk á þriðjudagskvöldið fór fjöldi Íslendinga að leita sér að flugi til Frakklands.

Á eftirfarandi gröfum má sjá bæði stökkið sem kom í heimsóknum á Dohop strax að loknum leiknum sem og gífurleg aukning í flugleitum til Frakklands.

Stökk í vefumferð strax eftir leik

Greinilega má sjá stökk í fjölda notenda á Dohop strax að leik loknum. Heimsóknir á vef Dohop döluðu fram eftir kvöldi og eru í lágmarki á meðan á leik stendur. En um leið og leiknum lauk kom risastökk í heimsóknum.

Ekki hefur áður sést jafnmikill munur á heimsóknum á milli klukkutíma, í allri sögu fyrirtækisins.

Einnig voru á þessum tíma, rétt eftir klukkan 21:00 á miðvikudagskvöldið, fleiri á vefnum í einu en verið hafði vikum saman.

Þreföldun í fjölda flugleita til Frakklands

Þegar leitir sem gerðar voru daginn eftir leikinn eru bornar saman við þær sem gerðar voru miðvikudaginn í síðustu viku sést nokkuð greinilega að Íslendingum liggur á að komast til Frakklands.

Á venjulegum dögum leita Íslendingar mest að flugi til Spánar, Frakklands, Danmerkur, Bretlands og Noregs.

Daginn eftir leikinn á móti Portúgal varð hinsvegar rúm þreföldun á leitum til Frakklands og því er greinilegt að nú liggur fólki á að komast á næstu leiki.

Grafið hér að ofan segir meira en mörg orð um áhuga Íslendinga á að komast til Frakklands.

Þá er ekkert eftir nema að fara á Dohop og tékka á flugi 😉

The post Þreföldun í leit að flugi til Frakklands eftir leikinn gegn Portúgal appeared first on Velkomin á bloggsíðu Dohop.

Hæ hó og jibbí jey og til hamingju Ísland!

Þjóðhátíðardagur Íslendinga er í dag 17. júní og ekki annað hægt að segja en að Íslendingar fagni þjóðhátíðardeginum með meiri spenningi en áður.

Íslendingar hafa fagnað sjálfstæði þjóðarinnar frá árinu 1944 en í dag liggur beinast við að fagna “sigri” Íslendinga á Portúgal á EM. Það að ná jafntefli á móti liði Portúgals sýnir að Íslendingar eru til alls líklegir og verður að kallast ákveðinn sigur. Cristiano Ronaldo ætti ekki að vanmeta íslenska landsliðið þó svo að liðið komi frá smáþjóð sem telur 331.667 íbúa (14. Júní 2016) því öll þjóðin styður við bakið á landsliðinu…. Áááfraaam Ííísslaaaand!

Mikil tilhlökkun er í stoltum landanum vegna leiks Íslands á móti Ungverjalandi sem fram fer á morgun laugardag kl. 16:00 að íslenskum tíma á Stade Vélodrome leikvanginum.

Gæsahúð !

Þjóðhátíðardagurinn!

Ísland hefur í gegnum tíðina sigrað heiminn á svo margan hátt og fyrir þá sem ekki vita státar Ísland af því að eiga elsta starfandi þing í heiminum.

Af tilefni þjóðhátíðardagsins eru hér áhugaverðar staðreyndir:

• Ísland státar af elsta alþingi heims en það var stofnað á Þingvöllum árið 930.
• Íslendingar náðu sjálfstæði frá Danmörku árið 1944.
• Þjóðhátíðardagurinn varð 17. júní þar sem forseti Íslands, Jón Sigurðsson fæddist þann dag.
• Litir íslenska fánans tákna vatnið í kringum landið, jökla landsins og þau virku eldfjöll sem landið hefur að geyma.
• Fyrsti forseti Íslands var Sveinn Björnsson.
• Ísland hefur aðeins átt 5 forseta frá upphafi lýðveldisins.
• Vigdís Finnbogadóttir varð fyrsta konan til að gegna embætti forseta og setti hún ákveðið fordæmi á heimsvísu í baráttumálum kvenna.

Árið 2009 varð Jóhanna Sigurðardóttir fyrst íslenskra kvenna til að gegna stöðu forsætisráðherra, einnig mikilvægur þáttur í jafnréttisbaráttu kvenna á heimsvísu.

Þar sem Íslendingar eru þekktir fyrir að sameina krafta sína þegar mikið liggur við, eins og þegar landsliðið þarf að vinna fótboltaleiki á EM, langar okkur hjá Dohop að benda á söfnun sem er í gangi og fer fram samhliða Wow hjólreiðakeppninni.

Lið Dohop þátttakandi í WOW hjólreiðakeppninni

Keppninni lýkur í dag á sjálfan þjóðhátíðardaginn. Team Dohop leggur sitt af mörkum og hefur skipað lið sem hjólar hringinn í kringum landið til styrktar samtökunum Hjólakraftur, en það eru samtök sem stuðla að heilbrigðum lífstíl ungmenna sem hafa átt erfitt uppdráttar.

Við hvetjum landsmenn til að standa saman að þessu verðuga málefni og segjum… Áfram Ísland og áfram Team Dohop!

Hér er hægt að fylgjast með liði Dohop og styrkja um leið gott málefni.

Team Dohop í WOW Cyclothon

The post Til hamingju Ísland með þjóðhátíðardaginn 2016! appeared first on Velkomin á bloggsíðu Dohop.

Íslendingar á leið til Parísar

Eftir stórkostlegan sigurleik íslenska karlalandsliðsins í knattspyrnu í gær fóru rúmlega 71.000 Íslendingar inn á leitarvef Dohop í leit að flugi til Parísar. Flesta Íslendinga langar til Parísar að fylgjast með strákunum taka á móti heimamönnum keppninnar, Frökkum, í 8 liða úrslitum, en leikurinn fer fram sunnudaginn 3. júlí.

Dohop vefurinn

Þrátt fyrir mestu umferð sem mælst hefur á vef Dohop frá upphafi voru engir hnökrar í ferlinu. Það gekk greiðlega að sinna fyrirspurnum til söluaðila á vef Dohop þrátt fyrir að sumir þeirra hafi sjálfir verið í vandræðum. En það er alveg ljóst að Íslendingar hafa gríðarlegan áhuga á að komast til Parísar fyrir sunnudaginn.

Með Dohop liggja allar leiðir til Parísar

Fólk er tilbúið að gera nánast hvað sem er til að komast til Parísar í tæka tíð fyrir leikinn á sunnudaginn. Fyrir utan beint flug til Parísar eru nokkrir aðrir möguleikar í boði. Fólk leitar í raun allra leiða til að komast á leikinn og bókar jafnvel flug til áfangastaða í nálægum borgum, tekur bílaleigubíl í framhaldinu og jafnvel lestarferðir áfram til Parísar. Dohop býður uppá ýmsar lausnir; flug, bílaleigubíla og hótel.

Flug til London, Brussel og Luxemborg opnar möguleika á góð tengiflug, lestarferðir og akstur áfram til Parísar.

Bílaleiga á Dohop

Einn möguleikinn í stöðunni er að leigja bílaleigubíl til að keyra svo áfram til Parísar. Dohop hjálpar þér að finna mjög hagstæð verð á  bílaleigubílum og það gæti verið kjörið til að gera meira úr þessu spennandi ferðalagi.

Gisting í París

Þegar flugið hefur verið bókað og jafnvel bílaleigubíllinn komið þér til Parísar er nauðsynlegt að finna viðeigandi gistingu.

Á hótel leit Dohop finnur þú hótel við hæfi, hvort heldur sem leitað er eftir verðum, staðsetningu eða stjörnugjöf. Þú eyðir minni tíma í að leita að hóteli og færð meiri tíma í undirbúa ferðina á leikinn.

Áfram Ísland!!!

The post Með Dohop til Parísar appeared first on Velkomin á bloggsíðu Dohop.

Langar þig vita hvenær ódýrast verður að fara til útlanda á næstunni?

Við höfum fylgst náið með breytingum á verði á flugi og þegar árið í fyrra er skoðað og borið saman við það sem af er þessu ári koma áhugaverðar sveiflur í ljós.

Og nú getur þú séð hvernig flugverð á eftir að þróast og kaypt í samræmi við það.

Græna lína sýnir meðalverð á flugi í fyrra. Rauða línan sýnir verð á flugi eins og það hefur verið í ár.

Þarna má t.d. sjá að nú í júlí er um 12.000 krónum ódýrara að meðaltali að kaupa flugmiða.

Gráa línan er síðan spá okkar um verð á flugi það sem eftir er 2016. (psst… kaupa flug í október).

Þarna má sjá að það sem af er 2016 hefur verð á flugi heilt yfir verið lægra en í fyrra. Samt fylgir það sömu árstíðarsveiflu, einfaldlega vegna þess að flestir Íslendingar fara erlendis á sumrin.

Ekki kom eins áberandi hækkun og um mitt sumarið í fyrra vegna þess að verð á flugi til Bandaríkjanna hefur haldist stöðugra en við áttum von á.

En bestu fréttirnar eru samt þær að flugverð er frekar lágt um þessar mundir og á bara eftir að lækka.

Og þá er bara eitt eftir: að sýna þeim sem þú ætlar með til útlanda í haust þetta.

The post Sjáðu hvenær ódýrast verður að kaupa flug á árinu appeared first on Velkomin á bloggsíðu Dohop.

Nú þegar EM er lokið leita Íslendingar annað en til Frakklands.

Í júní leituðu 94.000 Íslendingar að ferðum til og frá Íslandi og í flestum tilfellum beindist leitin að ferðum á EM í Frakklandi.

Bless Frakkland og halló Spánn!

Nú þegar EM í Frakklandi er lokið beinist leit Íslendinga á vef Dohop að ferðum til Spánar en það er í takt við þær venjur sem hafa verið í gangi undanfarin ár. Spánn virðist halda vinsældum sínum hjá Íslendingum þegar kemur að því að finna áfangastað fyrir sumarleyfin.

Dæmi um fleiri vinsæla áfangastaði yfir sumartímann eru strandbæir í Bretlandi, Danmörku, Bandaríkjunum og Þýskalandi, svo eitthvað sé nefnt. En strendur þessara landa eru m.a. við Bristol, Timmendorfer, Sylt, Hornbæk, Santa Monica ásamt vinsælum áfangastöðum við strendur Miami í Florida. Einnig er vert að nefna strendur Nantasket, Cape Cod og Maine við Connecticut en þær eru töluvert nálægt þekktum áfangastöðum eins og Boston og NY. Nóg er úrvalið af spennandi áfangastöðum.

Dohop Go. Anywhere. Simple.

Ef þú ferð inn á www.dohop.is/go og skoðar tímabilið júlí til desember 2016, finnur þú rúmlega 75 áfangastaði sem kosta undir 40.000 kr. Yfir 20 áfangastaðir kosta undir 30.000 kr. og meðal annars er að finna ferð til Parísar á frábæru verði.

Nú er rétti tíminn til að skoða ferðir til Englands, Evrópu eða jafnvel Bandaríkjanna og Dohop Go hjálpar þér að finna rétta verðið.

Dohop appið fyrir Android og iOS – útgáfa 3.0

Við uppfærðum nýlega appið okkar sívinsæla og erum við nú í útgáfu 3.0 fyrir Android og iOS. Uppfærslan sýnir nýtt útlit og hönnun sem gerir þér kleift að sjá þínar fyrri leitir ásamt uppfærslum á leitarniðurstöðum. 

Rétt um tuttugu þúsund hafa sótt appið í símann til að tryggja aðgengi að bestu verðunum, plana fríið, ferðir á leiki og viðburði eða bóka hentug flug og hótel fyrir vinnuferðir. Skiptingin milli þeirra er sækja appið í Google Play og App store er nánast til helminga. Nýjum app notendum fjölgar ört því rétt um 250 sóttu Dohop appið í síðustu viku.

Dohop appið er hentugt til að skoða og plana ferðalagið í símanum hvar og hvenær sem er. Þúsundir hafa sótt appið í símann til að tryggja aðgengi að bestu verðunum, plana fríið, ferð á leiki og viðburði eða bóka hentug flug og hótel fyrir vinnuferðir.

The post Íslendingar leita annað en til Frakklands appeared first on Velkomin á bloggsíðu Dohop.

Íslendingar ferðast innanlands eftir ævintýrið í Frakklandi.

Íslendingar hafa verið duglegir að ferðast í sumar og eins og alþjóð veit fóru margir þeirra sem kusu að fara erlendis í júní mánuði til Frakklands til að fylgja fótboltastrákunum okkar í EM ævintýrið. Einhverjir hafa talað um að ferðin til Frakklands hafi verið kostnaðarsöm en auðvitað vel þess virði. Flestir eyddu þó EM dögunum hér heima með tilheyrandi kostnaði. Ein stærsta Þjóðhátíð sögunnar var haldin í júní því gengi Íslensku fótboltaliðanna okkar tóku alla athygli af þessari hefðbundnu þjóðhátíð, þessari sem haldin er 17. Júní ár hvert. Íslendingar greinilega einbeittir að öðru.

Samkvæmt fjölmiðlum hafa einhverjar ferðaskrifstofur hætt við eða fækkað tilbúnum pakkaferðum til sólarlanda því dræm sala og ágætis veðurfar í sumar hefur sett strik í reikninginn. Okkar mat er að Íslendingar eru almennt tæknivæddir og bóka sjálfir ferðir sínar á netinu í þeirri von um að finna ódýrari ferðir. Miðað við leit Íslendinga undanfarið á vef Dohop eru Íslendingar enn í leit að sumarævintýri og leita að flugi og hóteli á Spáni. Fyrir þá sem ekki hafa tök á að ferðast erlendis eða hafa eytt hluta af sumarfríinu í Frakklandi og jafnvel gengið vel á sjóðinn sem ætlaður var í fjölskyldufríið er engin ástæða til að leggjast undir feld það sem eftir lifir sumars. Hér má finna skemmtilegar hugmyndir fyrir fríið frá okkur starfsmönnum Dohop en öll eigum við okkur eftirlætis staði á Íslandi. Margir eru eflaust sammála okkur um þessa staði enda nokkrir af fallegustu stöðum landsins en vonandi finna allir eitthvað við sitt hæfi.

Uppáhalds staðir starfsmanna Dohop   

Við erum stolt af okkar uppruna enda er Dohop íslenskt fyrirtæki.

Hér er hluti starfsmanna úr ferð Dohop sem farin var í júlí 2016

Það er því sérstaklega gaman að segja frá því að hjá Dohop starfar fólk með afar ólíkan uppruna. Við komum frá Íslandi, Þýskalandi, Bandaríkjunum, Rúmeníu, Rússlandi, Englandi og Víetnam. Öll eigum við það sameiginlegt að elska Ísland og elskum að ferðast. Við ætlum að segja ykkur frá nokkrum af uppáhaldsstöðunum okkar.

1. Glymur –  Er hæsti foss landsins. Glym er að finna í aðeins klukkutíma akstri frá Reykjavík. Fjallganga sem tekur vel á og útsýnið stórbrotið. Gott nesti í bakpoka ásamt flösku af besta vatni í heimi er nauðsynlegt.
2. Háifoss – Eins og nafnið gefur til kynna er þessi fallegi foss hár og annar hæsti foss landsins á eftir Glym. Til að komast að þessum fossi er  nauðsynlegt að fara á fjórhjóladrifnum bíl og fara varlega.
3. Þórsmörk –  Þvílíkt umhverfi og fallegar en krefjandi gönguleiðir eru að finna í Þórsmörk. Þar er gaman að tjalda við og dásamlegt umhverfið er endurnærandi.
4. Paradísarhellir – Falinn fjársjóður sem gaman er að skoða. Klifra þarf upp um lítið op en fyrir innan opnast nýr ævintýraheimur sem vert er að skoða.
5. Seljavallalaug – Gamla laugin sem er nálægt Eyjafjallajökli er ein elsta laug landsins. Eftir eldgosið 2010 tóku sjálfboðaliðar sig til við að hreinsa og koma lauginni í lag og í sitt upprunarlegt horf. Skemmtileg upplifun og tilvalin til að stoppa og skoða á leiðinni austur.
6. Skaftafell – Þvílíkt landslag, Skaftafell er umvafið fegurð frá stærsta jökli Evrópu, Vatnajökli. Skaftafell er í Vatnajökulsþjóðgarðinum og á svæðinu eru margar krefjandi gönguleiðir og jafnvel ísklifur.
7. Jökulsárlón – Það er ekki hægt annað en að nefna Jökulsárlónið sem einn af okkar uppáhalds stöðum á landinu. Það er eitthvað svo magnað að ganga í kringum jöklabrotin sem eru eins og gler í hinni ótrúlegustu mynd á svörtum sandinum.
8. Kerlingarfjöll – Fyrir nokkru fórum við í ferð í Kerlingarfjöll og öll vorum við sammála um fegurðina þar. Landslaginu þar má líkja við Landmannalaugar og besta uppgvötunin í þessari ferð var að það tekur bara rétt um 3 tíma að keyra frá Reykjavík. Skemmtileg dagsferð því möguleg og frábært umhverfi til útivistar. Landmannalaugar eru einnig mjög ofarlega á vinsældarlistanum okkar en töluvert lengra frá Reykjavík.
9. Ásbyrgi – Enn og aftur erum við sammála um fegurðina sem landið okkar hefur að geyma. Þjóðsagan segir að Ásbyrgi hafi orðið til þegar Sleipnir, hestur Óðins sem hafði 8 fætur, steig fast til jarðar og hafi myndað þessa stóru “skeifu”. Í Ásbyrgi er að finna fallegt og stórt tjaldstæði umvafið klettum og trjám.
10. Reykjavik – Fyrir þá sem ekki vilja ferðast um landið má finna ýmislegt skemmtilegt að gera í höfuðborginni. Ef þú ert á leiðinni utan að landi og þarft gistingu í Reykjavík ættir þú að kanna úrvalið af hótelum á vefnum okkar www.dohop.is/hotels Okkur er mikið í mun að þú finnir viðeigandi hótel fyrir ferðina þína. Það er gaman að sitja á góðum veitingastað og upplifa mannlífið, skoða aðra ferðamenn og njóta lífsins. Heimsækja söfn og sérverslanir, kíkja á tónleika eða í leikhús. Upplifa næturlífið eins og í hverri annari borgarferð, vertu samt svolítill ferðamaður í þér en í þetta skiptið á heimaslóðum það er margt að skoða í Reykjavík.

The post Íslendingar á ferð og flugi appeared first on Velkomin á bloggsíðu Dohop.

Langar þig ekki stundum bara til að sjá hvaða flug er í boði, hvert sem er?

Það eru ekki allir sem vita það, en þú getur séð einmitt það á Dohop Go!

Þar getur þú auðveldlega séð verð á flugi til fjölmargra borga í einu. Þú getur síðan stillt það sem þú sérð eftir því hvert þú vilt fara eða hvenær þú ert í fríi.

Við kíkum stundum á Dohop Go til að aðstoða fólk sem er að leita að einhverju sérstöku. Og nýlega sáum við fimm hluti sem okkur langaði til að deila.

5 ótrúleg atriði sem þú getur séð á Dohop Go!

1 Það er hægt að komast til 11 borga, báðar leiðir, fyrir minna en 15 þúsund.

Bristol, Genf, London og Edinborg eru meðal þeirra borga sem hægt er að fljúga til, báðar leiðir, fyrir minna en 15.000 kall.

Sjáðu bara.

2 Þú kemst til 6 erlendra borga fyrir minna en það kostar að fara til Akureyrar.

Það er samt ekkert það dýrt að fljúga norður, bara 15.000 á góðum degi.

En þú kemst til Bristol, Basel, Genfar, London, Edinborgar og Belfast fyrir minna.

Og það er engin fríhöfn á Akureyri.

3 Þú getur fengið flug til Bandaríkjanna fyrir 35.000 kall.

Nú er hægt að fljúga til bæði New York og Boston fyrir minna en 35.000 kall. Hljómar ef til vill ótrúlega, en er algjörlega dagsatt.

Sjáðu bara:

• Flug til Boston á Dohop Go!
• Flug til New York á Dohop Go!

New York á sumardegi

4 London og Köben undir 20.000 krónum. Jebbs.

London og Kaupmannahöfn hafa lengi verið vinsælustu borgirnar á Dohop. Það ætti því að gleðja marga að heyra að það er hægt að komast til þeirra beggja fyrir minna en 20.000 kall.

Það er reyndar hægt að komast til London fyrir um 10.000 kall.

5 Það er hægt að komast til útlanda, báðar leiðir, fyrir minna en 10.000 kall.

Já. Það er næstum alltaf hægt að finna flug til Bristol á Englandi og Genf í Sviss fyrir um 9.000 krónur báðar leiðir.

p.s. Þetta er Genf:

Allt í allt er hægt að finna flug fyrir minna en 50.000, báðar leiðir til meira 90 borga á Dohop Go!

The post 5 hlutir sem þú vissir ekki um Dohop Go! appeared first on Velkomin á bloggsíðu Dohop.

Það er ekki tekið út með sældinni að vera örvhentur.

Allt er gert til að auðvelda líf rétthentra, en örvhentir þurfa oftar en ekki að sætta sig við að nota tól og tæki sem hönnuð eru með rétthenta í huga. Þetta getur verið alveg sérstaklega pirrandi við ferðalög.

En við höfum fundið ráð við þessu og uppgötvuðum meira að segja einn ofurkraft örvhentra. Og þar sem alþjóðlegur dagur örvhentra er á laugardaginn lögðumst við í smá rannsóknarvinnu.

Við kynnum: 4 ráð Dohop til að auðvelda og einfalda líf örvhentra.

1. Veldu rétta sætið.

Þegar örvhentir ganga um borð í flugvél fylgir því sérstakur kvíði; framundan er barátta við rétthenta sessunautinn um að koma olnboganum vel fyrir í sætunum.

Við erum með lausnina við þessu.

Þegar þú er að bóka sæti í flugvélinni skaltu velja sæti við ganginn vinstra megin þegar komið er í vélina, eða við gluggann hægra megin.

Þetta er eitt af þeim skiptum sem vit er í að borga aukagjaldið fyrir sætaval við bókun flugmiðans.

2. Notaðu hægri (stundum).

Í sumum menningarheimum getur það þótt óviðeigandi að nota vinstri. Þó að örvhentir séu almennt betra fólk en við hin eru ekki allir búnir að átta sig á því.

Mundu bara að rétta alltaf hægra höndina þegar þú heilsar einhverjum erlendis (eitthvað sem þú gerir væntanlega hvort sem er). Ef þú réttir vinstri höndina í sumum löndum í Asíu gæti það verið talið dónalegt.

Í hlutum Afríku, og Asíu er það litið hornauga að borða með vinstri höndinni. Notaðu því hægri þegar þú ert að borða. (Eftir á að hyggja væri þetta kannski óþarfa greiðvikni af þinni hálfu. Vertu frjáls, vertu þú sjálf! Borðaðu bara með vinstri).

Skál fyrir örvhentum!

Aukaábending fyrir örvhenta í viðskiptaferðum: í Asíu er víst blátt bann við því að rétta nafnspjald með vinstri höndinni. Notaðu hægri til að styggja ekki heimamenn.

3. Taktu dótið þitt með.

Yfirleitt er ekki gert ráð fyrir örvhentum, eins og þeir séu annars-flokks

Flestir rétthentir (muggles) átta sig kannski ekki á því, en það eru fjölmargir hlutir sem eru hannaði fyrir rétthenta og henta illa fyrir örvhenta.

Bandið sem fólk togar í á fallhlífum er til dæmis alltaf hægra megin (sem þýðir reyndar bara að fallhlífastökk er enn meira “extreme” fyrir örvhenta).

Aðra og algengari hluti en bönd á fallhlífum mætti nefna, t.d. skæri, tappatogara og dósaopnara.

Þessi pyntingatól kalla rétthentir “skæri”.

Muna bara að ef þú tekur skæri, hnífa, tappatogara eða dósaopnara með þér í ferðalagið þá er best að pakka því í tösku en ekki handfarangur.

“En ég er örvhent” er ekki gild útskýring fyrir því af hverju þú ert að fara með skæri í flug (þótt ótrúlegt megi virðast).

4. Nýttu þér ofurkraftana.

Það er nefninlega þannig að stundum er það að vera örvhentur alveg eins og að vera með ofurkrafta. Við nefnum dæmi.

Í flestum löndum keyrir fólk hægra megin og skiptir um gír með hægri höndinni.

Eeeeeen… í sumum löndum, eins og þið vitið eflaust, keyrir fólk vinstra (réttu) megin á veginum og gírstöngin og allt er vinstra megin við ökumanninn. Mörgum rétthentum þætti þetta nærri óyfirstíganleg hindrun. En ekki þér!

Nú er það að vera örventur frábært!

“Ég skal sjá um þetta,” segir þú við ferðafélagana á meðan þau stara opinmynnt á þig. Síðan keyrir þú um eins og örvhenta ofurstjarnan sem þú vissulega ert.

Til að nýta þetta skaltu fá vini þína til að bóka með þér flug til Englands, Ástralíu, Thaílands, Suður-Afríku eða Mauritius-eyja, svo eitthvað sé nefnt. Mauritius-eyjar… farðu þangað. Þær líta svona út:

Sundlaugin þarna er sérhönnuð fyrir örvhenta. (Nei, ok. Það er ekki alveg satt).

P.s. Þú getur auðvitað leigt bílaleigubíl á Dohop, til að ganga í augun á vinum þínum.

Deildu þessu með örvhentum vinum þínum. Gefðu þeim sem high-five með vinstri.

The post 4 góð ráð sem ættu að einfalda ferðalög örvhentra appeared first on Velkomin á bloggsíðu Dohop.