Dohop hefur tekið saman verð á flugi frá Íslandi næstu vikur og borið saman verð til áfangastaða þer sem samkeppni er á markaðnum. Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd.

Áfangastöðum og flugfélögum fjölgar, samt hækkar flugverð
Þrátt fyrir mikla aukningu á framboði á flugi til Keflavíkur, bæði með fjölgun flugfélaga og áfangastaða, hækkar verð á flugi að meðaltali um 12%. Þar telja mest hækkanir á verði á flugi til Billund, Hamborgar, Zurich og Munich. Verðið lækkar hinsvegar um 18% til Alicante og 15% til Parísar. Lægsta meðalverðið á komandi vikum er með easyJet til Manchester, en það kostar um 33,000 krónur að komast til Manchester og til baka.

Mikil aukning á framboði
Mikið af erlendum flugfélögum fljúga til Íslands í sumar og má þar nefna Transavia France, Germanwings, Norwegian, SAS, Air Berlin og Vueling. Þetta eykur jafnframt framboðið á áfangastöðum fyrir Íslendinga en ótal tengimöguleikar opnast við fjölgun flugfélaga. Einnig hefur fjöldi borga verið að bætast við lista þeirra sem aðgengilegar eru með beinu flugi á síðustu vikum og á þeim næstu. Sem dæmi má nefna Valencia á Spáni, Budapest, Palermo, Lisbon og Bodrum í Tyrklandi.

Skoðaðu möguleikana
Heildarlista yfir bæði borgir sem eru í boði í beinu flugi og þau flugfélög sem eru nú með áætlunarflug til og frá Keflvavíkurflugvelli má sjá á upplýsingasíðu Dohop um Keflavíkurflugvöll.

Aðferð
Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur. Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil.

Um Dohop
Dohop var stofnað á Íslandi árið 2004 og starfsmenn félagsins eru nú rúmlega tuttugu, allir á Íslandi. Dohop var nýlega kosinn besti flugsamanburðarvefur í heimi. Á vef Dohop er einnig að finna hótelleit og bílaleigu.

The post Verðkönnun Dohop maí 2015 appeared first on Dohop - Ferðalög og fleira.

Reykjavík 7. maí 2015

• Icelandair stundvísast við brottför
• easyJet stundvísast við komu til Keflavíkur
• Brottfarir og komur WOWair á réttum tíma í um 78% tilvika

Þegar stundvísi flugfélaganna í nýliðnum mánuði er skoðuð kemur í ljós að flugfélagið Icelandair var stundvísast við brottför, með rúmlega 93% brottfara á réttum tíma. Við komur til Keflavíkur var breska flugfélagið easyJet stundvísast eða í um 95% tilvika. Athygli vekur að WOWair sem lengi hefur verið stundvísast frá Keflavíkurflugvelli var óstundvísast bæði við brottför og komur í síðasta mánuði.

Afar lítið var fellt niður af flugi í apríl, en easyJet felldi þó niður 5. Hvorki Icelandair né WOWair þurftu að fella niður flug.

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma. Hér eru aðeins birtar tölur flugfélaga sem eru með fleiri en 50 áætlunarflug á mánuði.

Um Dohop

Dohop var stofnað á Íslandi árið 2004 og starfsmenn félagsins eru nú rúmlega 20, allir á Íslandi. Dohop á og rekur íslenska ferðavefinn Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

The post Stundvísi flugfélaga í apríl 2015 appeared first on Dohop - Ferðalög og fleira.

Þegar ódýrast er kostar um 16,500 krónur að fljúga til Akureyrar. Flugið tekur 45 mínútur og síðan er hægt að spássara um í blíðunni og fá sér Brynjuís. Ekki slæmt, er það nokkuð?

En í Dohop Go má sjá nokkuð merkilegt. Þar er nefninlega að finna fimm borgir í Evrópu sem ódýrara er að fara til en til Akureyrar. Þetta eru allt borgir á Bretlandseyjum og flugtíminn þangað er frá tveimur tímum til Edinborgar upp í rétt rúma þrjá til London.

Hérna sjáið þið borgirnar sem hægt að fara til fyrir minna en þær 16,500 sem kostar að komast til Akureyrar.

Það er semsagt hægt að skreppa í British Museum í London, versla á Oxford Street eða Covent Garden, og slaka á í Hyde Park fyrir minna en kostar að fara norður.

Þú getur skoðað þig um í Edinborg, heimabæ J.K. Rowling, skoðað Clifton brúnna í Bristol, farið á Titanic safnið í Belfast eða á fótboltaleik í Manchester. Fyrir minna en það kostar að fljúga til Akureyrar.

Clifton brúin í Bristol

Í öllum þessum tilvikum er flogið með easyJet. Hafa skal þó í huga að verðið hækkar ef tekin er með ferðataska, enda rukkar easyJet sérstaklega fyrir það.

Smelltu hér til að sjá allt ódýrt flug í boði á Dohop Go.

The post 5 borgir sem ódýrara er að fljúga til en Akureyrar appeared first on Dohop - Ferðalög og fleira.

Þegar nýting hótelherbergja víðsvegar um heiminn er skoðuð sést að í sumar er Reykjavík ein þeirra borga þar sem nýtingin er mest.

Þegar leitað er að hóteli á hótelvef Dohop birtast yfirleitt upplýsingar um það hversu hátt hlutfall hótela í borginni er bókað á viðkomandi tímabili. Þessu er ætlað að aðstoða fólk í hótelleit við ákvarðanatöku, en má einnig nota til að bera saman bókunarhlutfall milli borga.

Í júlí og ágúst er hærra hlutfall hótelherbergja bókað í Reykjavík en í Kaupmannahöfn, Berlin, Boston og París. Á meðfylgjandi grafi má sjá þróunina í nýtingu hótela í sumar í 9 vinsælum og vel þekktum borgum. Áhugavert er að sjá hversu hátt hlutfall hótelherbergja eru bókuð í Reykjavík miðað við aðrar borgir.

Sérstaka athygli vekur hversu mikið hótel í Reykjavík eru bókuð í júlí og ágúst.

Af öllum borgum sem skoðaðar voru er mesta nýting hótelherbergja í Boston nú fyrstu vikuna í júní eða 85%. Strax fyrstu vikuna í júlí tekur Reykjavík toppsætið með 77% hótelherbergja bókuð. Á þeim tíma eru aðeins 40% hótelherbergja í Boston bókuð.

Þetta er ef til vill eðlileg nýting hótelherbergja miðað við það að Ísland er eitt af þeim löndum þar sem mest er af ferðamönnum á hvern íbúa, en á hverjum tíma má ætla að 5% þeirra sem eru á landinu séu ferðamenn. Einnig má ætla að ferðamenn skipuleggi Íslandsferðir með lengra fyrirvara en til dæmis þeir ferðamenn sem heimsækja Boston.

Aðferð

Dohop athugaði hversu hátt hlutfall hótela er bókað  fyrstu vikurnar í júní, júlí, ágúst og september í 9 vinsælum borgum. Í öllum tilvikum var gert ráð fyrir dvöl í 6 nætur fyrir tvo fullorðna í einu herbergi.

Um Dohop

Dohop var stofnað á Íslandi árið 2004 og starfsmenn félagsins eru nú rúmlega 20, allir á Íslandi. Dohop á og rekur íslenska ferðavefinn Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

The post Hótelnýting í Reykjavík í sumar ein sú mesta í heimi appeared first on Dohop - Ferðalög og fleira.

Sænskir flugmenn SAS hafa gefið út tilkynningu þess efnis að þeir fari í verkfall frá og með 21. maí náist ekki að semja fyrir þann tíma.

Ekki er ljóst hvaða áhrif þetta hefur á íslenska farþega flugfélagsins en ætla má að flug til Stokkhólms með flugfélagi raskist eitthvað komi til verkfalls.

Ekkert þokast í samningum milli verkalýðsfélags flugmanna (SPF) og SAS og stefna flugmennirnir því í verkfall.

“Það eru margar spurningar á mörgum sviðum sem eru okkur mikilvægar. Málsaðilar hafa í einhvern tíma átt erfitt með að ná saman um þessi mál og okkur sýnast viðræðurnar ekki vera að þokast,” er haft eftir Peter Larsson, stjórnarformanni SAS-deildar verkalýðsfélagsins.

Á heimasíðu verkalýðsfélagsins er stutt tilkynning þess efnis að flugmenn stefni í verkfall og að öllum spurningum skuli beina til flugfélaganna.

Malin Selandar, upplýsingafulltrúi SAS

Malin Selander, upplýsingafulltrúi SAS í Svíþjóð, segir að þetta komi fyrirtækinu á óvart. Jafnframt vonar hún að samræður við flugmenn haldi áfram svo hægt verði að koma í veg fyrir verkfall.

“Markmiðið er að skapa nútímalegri og sveiganlegir samninga. Umframt allt viljum við að samningarnir tryggi atvinnuöryggi í samræmi við skandinavíska módelið”, segir hún.

Hún gat ekki sagt til um hvort allur sænski floti flugfélagsins verði fyrir áhrifum verkfallsins, en áherslan væri auðvitað á að ná samkomulagi og fyrirbyggja verkfall.

Dohop hvetur þá sem eiga flug með SAS í lok mánaðarins, sérstaklega til Svíþjóðar, að fylgjast vel með fréttum af yfirvofandi verkfalli.

The post Flugmenn SAS á leið í verkfall? appeared first on Dohop - Ferðalög og fleira.

Þegar þú planar sumarfríið þá eru sumir hlutir sem verða bara að vera í lagi á hótelinu.

Nýleg könnun Hotels.com leiddi í ljós að það sem gestir vilja helst fá á hótelum er frítt WiFi á herberginu, morgunmat innifalinn og, síðast en ekki síst, þá þarf sundlaugin að vera góð.

En sundlaug er ekki bara sundlaug.

Okkur er annt um að fólk sem bókar hótel hjá Dohop fái það sem það vill, og þess vegna fórum við vel í gegnum það sem er í boði og fundum fimm hótel með frábærar sundlaugar…. á þakinu.

1. Grace hótelið á Santorini í Grikklandi

2. Minerva hótelið í Flórens á Ítalíu

3. Sri Panwa hótelið á Phuket í Tælandi.

4. Joule hótelið í Dallas í Bandaríkjunum

5. Marina Bay Sands hótelið í Singapúr

Hvaða hótel líst þér svo best á?

The post 5 hótel með frábærar sundlaugar á þakinu appeared first on Dohop - Ferðalög og fleira.

Ef þú ert að lesa þetta þá hefur þú eflaust notað Dohop einu sinni eða tvisvar til að finna flug, ekki satt? En til að fá sem mest út úr vefnum og til að tryggja það að þú sért að fá ódýrasta og besta flugið, þá eru hérna 5 hlutir sem mætti segja að séu “fyrir lengra komna”. Þetta eru leiðir til að nýta Dohop eins vel og hægt er.

Af því að við viljum auðvitað að þú finnir bara það besta sem er í boði.

1. Þú getur séð ef til er ódýrara flug á öðrum dögum

Ef við vitum að það er til ódýrara flug á dögum nálægt þeim sem þú ert að leita að þá birtum við lítinn svartan glugga efst í niðurstöðunum til að láta þig vita.

Þú smellir síðan einfaldlega á “Skoða” í glugganum og þá sérðu lista yfir aðra daga sem eru í boði:

2. Þú getur séð hvort hægt sé að fljúga beint

Vildirðu ekki stundum óska þess að það væri hægt að sjá í fljótu bragði hvenær það er beint flug í boði eitthvað svo þú þurfir ekki að millilenda? Á Dohop er það ekkert mál. Við merkjum dagana á dagatalinu sérstaklega eftir því hvort flogið sé beint eða ekki fyrir þá daga sem þú hefur í huga.

• Dökkblátt = beint flug
• Ljósblátt = þarf að millilenda
• Grátt = ekkert flug í boði (afar sjaldgæft, en kemur fyrir)

3. Þú getur útilokað flugfélögin sem þú þolir ekki

Þegar kemur að þjónustu og þægindum, þá eru sum flugfélög betri en önnur. Það eru eflaust einhver flugfélög sem þú vilt helst ferðast með sé það í boði og önnur sem þú vilt forðast, ekki satt? Stundum getur líka verið að þú eigir punkta með einhverju flugfélagi sem þú vilt nýta. Á Dohop getur þú útilokað sérstaklega þau flugfélög sem þú vilt ekki ferðast með eða valið að sjá bara flug með þeim flugfélögum sem eru í uppáhaldi.

Þú smellir einfaldlega þar sem merkt er “Flugfélög” á Dohop og þá birtist listi yfir þau flugfélög sem eru í niðurstöðunum fyrir þína leit. Síðan getur þú afhakað eitt og eitt eða valið að sjá bara flug frá einhverju einu (og síðan bætt við aftur einu og einu ef þú vilt). Og já, þetta er langur listi yfir flugfélög, og þetta er fyrir einfalt flug til Kaupmannahafnar.

Það er ekki að ástæðulausu að Dohop býður lægra verð en aðrir.

Þú getur líka gert þetta með flugvelli, t.d. ef þú vilt ekki með nokkru móti millilenda í París á leið þinni til Bangkok, þá getur þú tekið París út sem mögulegan flugvöll.

4. Þú getur séð hvað er í boði “Bara eitthvert, bara einhverntíman“

Stundum langar þig bara til útlanda en ekkert ákveðið, eða langar bara sjá hvað er í boði án þess að vera að leita og leita. Við þekkjum það. Á Dohop Go getur þú skoðað og skoðað flug í boði frá Íslandi án þess að leita neitt. Við bjuggum meira að segja til app!

Dohop Go raðar borgum eftir því hvert er ódýrast að fara, þannig sérð þú strax til hvaða borga þú kemst fyrir minnst.

5. Þú getur séð allt sem þú þarft að vita um hótelið í einu

Með því rétt að líta fyrir niðurstöður úr hótelleit á Dohop sérð þú hvort eitthvað tilboð sé í gangi (blái borðinn á myndinni), hversu margar stjörnun hótelið hefur, hvort við mælum með því (þumalputtinn), hvaða einkunn aðrir gestir hafa gefið því og hvað það kostar fyrir tímabilið sem þú ert að skoða.

Jæja, var eitthvað af þessu nýtt og sniðugt?

The post 5 hlutir sem þú vissir (kannski) ekki að þú gætir gert á Dohop appeared first on Dohop - Ferðalög og fleira.

Reykjavík 12. júní 2015

• Icelandair stundvísast við brottför annan mánuðinn í röð
• Brottfarir og komur WOWair á réttum tíma í um 78% tilvika

Þegar Dohop skoðaði stundvísi flugfélaganna í nýliðnum mánuði kom í ljós að flugfélagið Icelandair var stundvísast bæði í brottförum og komum til Keflavíkur. Mestar seinkanir í komum voru hjá WOWair en breska lággjaldaflugfélagið easyJet var með mestar seinkanir við brottför frá Keflavík.

Á meðfylgjandi töflu má sjá nánar um stundvísi flugfélaga.

Af öllu áætluðu flugi í maí voru aðeins tvö flug felld niður, bæði hjá easyJet. Lengstu meðaltafirnar voru einnig hjá easyJet, en ef seinkun var við brottför hjá þeim, eins og var í 26% tilvika í maí, máttu ferðalangar búast við að rúmlega 16 mínútna töf að meðaltali.

Hér eru aðeins birtar tölur flugfélaga sem eru með fleiri en 50 áætlunarflug á mánuði. Þetta eru fyrrgreind flugfélög en þó er þýska flugfélagið Air Berlin ansi nálægt því að komast á listann. Ef það yrði tekið með núna myndi það hljóta þann heiður að vera stundvísast frá Keflavík með 91% áætlaðra brottfara á réttum tíma en jafnframt óstundvísast til landsins, með rétt um 63% áætlaðra koma á réttum tíma.

Aðferð

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma.

Um Dohop

Dohop var stofnað á Íslandi árið 2004 og starfsmenn félagsins eru nú rúmlega 20, allir á Íslandi. Dohop á og rekur íslenska ferðavefinn Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

The post Stundvísi flugfélaga í maí appeared first on Dohop - Ferðalög og fleira.

Samkvæmt nýútkominni skýrslu World Economic Forum er Íslandi meðal þeirra hagkerfa í heiminum sem best eru búin undir ferðamennsku.

Á heildarlistanum yfir hagkerfi sem vel eru búin undir ferðamenn er Ísland í 18. sæti, á milli Kína og Írlands. Á þeim lista er Spánn í fyrsta sæti og á eftir Spáni komi Frakkland og Þýskaland.

Ferðamennska í forgang

Meðal þeirra hagkerfa sem setja ferðamennsku í forgang er Ísland nú í 5. sæti samkvæmt skýrslu WEF, á eftir Singapúr, Kýpur, Mauritius-eyja og Möltu, sem trónir á toppnum. Með þessu er verið að taka saman fjárfestingar í ferðaiðnaðinum og framlag viðkomandi ríkisstjórnar til að koma landinu á framfæri sem áfangastaðar á heimsvísu.

Ísland öruggt og innviðir góðir

Á heildarlistanum yfir lönd sem best eru búin undir ferðamenn, þar sem Ísland er í 18. sæti, er helst talið Íslandi til tekna er hversu öruggt landið er, hve góður aðgangur er að hreinu vatni og heilsugæslu og hversu gott inviði ferðamannaþjónustu er (t.d. aðgangur að gistiaðstöðu og bílaleigubílum). Sérstaklega er talið fram hversu miklum peningum Ísland hefur varið í að byggja landið upp sem vörumerki innan ferðageirans og áherslan sem lögð er á sérstöðu (þó ekki sé tekið fram hvaða sérstöðu)*

Ítarlegar upplýsingarnar um Ísland má finna hér.

Allt dýrt á Íslandi?

Það sem kemur helst í veg fyrir að Ísland sé ofar á listanum er aðgangur að menningarlegum verðmætum, fjöldi staða á heimsminjaskrá UNESCO (sæti 77 af 141), aðstaða fyrir ráðstefnuhald en sérstaklega illa kemur Ísland út þegar skoðað er það hversu dýrt það telst að ferðast um á Íslandi, en þar er landið í 128. sæti meðal þjóðanna 141.

Hér má sjá graf með upplýsingum um einkunn Íslands á þeim stöðlum sem miðað er við.

Evrópa

Hér má sjá listann yfir þau 10 hagkerfi í Evrópu sem best eru búin undir aukin ferðamannastraum, en þar er Ísland í 10. sæti (talan á töflunni er heildarstaða landsins).

Listinn í heild sinni

Hérna má sjá efstu 25 þjóðir á heildarlistanum, en Ísland er þar í 18. sæti. Heildarlistann má sjá á vefsíðu World Economic Forum.

Hér má sjá þau viðmið sem World Economic Forum byggir skýrsluna á. Meðal þeirra eru fjöldi hótelherbergja, náttúruvernd, styrkur löggæslu, gæði flugvalla og vegsamgangna.

*Notað er orðalagið “leveraging specific niches.”

The post Ísland meðal samkeppnishæfustu ferða-hagkerfa heims appeared first on Dohop - Ferðalög og fleira.

Dohop hefur tekið saman verð á flugi frá Íslandi næstu vikur og borið saman, til áfangastaða þar sem samkeppni er á markaðnum. Skoðað er flugverð tvær, fjórar og átta vikur fram í tímann og meðalverðið reiknað. Niðurstaðan er síðan borin saman við samskonar könnun sem framkvæmd var fyrir mánuði.

Flugverð að lækka.

Flugverð lækkar milli tímabilia og skiptir þar lækkun á flugi til Danmerkur mestu, en flug til bæði Billund og Kaupmannahafnar lækkar um rúm 10%. Stærsta einstaka lækkunin milli kannana er flug til Hamborgar, sem lækkar um rúm 12%. Áhugavert er að sjá að það kostar á milli 50 og 65 þúsund að ferðast til 12 af 21 borga sem skoðaðar voru.

Primera ódýrast til Spánar

Primera flýgur til tveggja borga á Spáni, Barcelona og Alicante og býður mun lægra verð á þeim leiðum en Icelandair og WOWair. Breska lággjaldaflugfélagið easyJet er með lægstu verðin heilt yfir, en flugfélagið býður flug til borga í Bretlandi, Skotlandi, Írlandi og Sviss.

Algengasta verð á flugi 50 – 65 þúsund

Verðið á flugi til 12 borga af 21 í könnunni er á milli 50,000 og 65,000 krónur í sumar. Þetta eru vinsælir áfangastaðir á borð við Kaupmannahöfn, London, Alicante, Barselóna og Stokkhólm. Flug til Bandaríkjanna er enn að meðaltali yfir 100,000 krónum.

Aðferð

Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur. Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil. Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd.

Um Dohop

Dohop var stofnað á Íslandi árið 2004 og starfsmenn félagsins eru nú rúmlega tuttugu, allir á Íslandi. Dohop var nýlega kosinn besti flugsamanburðarvefur í heimi. Á vef Dohop er einnig að finna hótelleit og bílaleigu.

The post Flugverð lækkar um 5% í sumar appeared first on Dohop - Ferðalög og fleira.

Ísland verður sífellt vinsælara á samfélagsmiðlinum Instagram, sem í dag er með yfir 300 milljón virka notendur. Vinsælir notendur sýna þar allar bestu hliðar íslenskrar náttúru og það er eiginlega ótrúlegt hversu vinsælir sumir verða innan Instagram samfélagsins.  Sumir hafa allt að 850.000 fylgjendur og það er engin spurning að ferðaþjónustan nýtur góðs af.

Við hjá Dohop ákváðum að velja allra bestu Instagram notendurna sem allir aðdáendur Íslands ættu að fylgja.

Sig Vicious (Siggeir M. Hafsteinsson)

Siggeir er íslenskur grafískur hönnuður sem hefur slegið í gegn á Instagram. Hann fangar stórbrotna fegurð, kyrrð, og hrjóstrugleika íslenskrar náttúru fullkomlega.

I wouldn't mind being the Lighthouse boss there. #iceland #viciousXplore #dyrholaey

A photo posted by Sig Vicious (@sigvicious) on Apr 22, 2015 at 7:48am PDT

Anna Sig

Anna Sig sýnir Ísland eins og það er. Ekkert Photoshop eða endalaust af filterum. Bara falleg íslensk náttúru frá sjónarhóli Önnu.

#sheep #sunset #nature #landscape #iceland #motheranddaughter

A photo posted by Anna Sig (@annasig) on May 2, 2015 at 3:21am PDT

Chris Burkard

Chris er frægur ljósmyndari frá Californiu sem hefur ferðast mikið um Ísland. Það er ekki að ástæðulaustu að hann er með yfir 850,000 aðedáendur á Instagram.

This is a river… Shot from a plane in landmannalaugar iceland. I have spent these last few years of my life obsessing on these glacial rivers. It's a personal project that has taken me high into the air to look down on these sediment flows that come from the glacier. The braids of the river are separated by different densities of sediment contrasted with the volcanic black sand islands and moss. It may appear as a painting or a photoshop mess.. But I assure you.. It's not. A polarizer is the key tool for cutting reflection and seeing his palette of color. I have attempted many times to shoot this river during the right time of year, when the Colors are in full affect… (A lot of failed attempts) And yesterday it finally came together. I will never forget this experience. Thanks for the epic day @volcanoair @ladzinski

A photo posted by ChrisBurkard (@chrisburkard) on Jul 7, 2015 at 9:21am PDT

Ozzo Photography (Óli Haukur)

Einn af okkar uppáhalds ljósmyndurum á Íslandi, Óli Haukur Mýrdal, sýnir sínum 21,000 fylgjendum á Instagram allar bestu hliðar Íslands. Hann hefur tekið þátt í mörgum spennandi verkefnum og unnið með Red Bull, Amazing Race, og fleirum. Íslandsvinurinn og söngvarinn Sting hefur meira að segja keypt ljósmyndir frá kappanum og það ætti að segja eitthvað.

One more from our trip to Grundarfjordur yesterday, frozen lake with Kirkjufell mountain in the background.

A photo posted by OZZO Photography (@ozzophotography) on Feb 14, 2015 at 1:37pm PST

lurie Belegurschi

lurie Belegurschi er einn af ljósmyndurum Iceland Photo Tours og er bæði vinsæll og virkur á Instagram. Hann er margverðlaunaður landslagsljósmyndari og það sést vel í öllu sem hann setur inná Instagram.

Creamy white waterfalls. Only in Iceland.

A photo posted by Iurie Belegurschi Photography (@iuriebelegurschi) on Jul 11, 2015 at 6:29am PDT

Elizabeth Gadd

Elizabeth er ungur (22) kanadískur ljósmyndari sem hefur vakið mikla athygli á Instagram og er með yfir 60.000 fylgjendur. Hún er þekkt fyrir myndir sem innihalda manneskju í aukahlutverki en náttúruna í aðalhlutverki.

Throwback Thursday to this morning in Iceland last year, after a long and sleepless night of lying on the crammed backseat of a full car during an everlasting rain storm. I was so happy when the rain finally let up enough to get out of the car and flop into the moss for this photo!

A photo posted by Lizzy Gadd (@elizabethgadd) on Mar 19, 2015 at 4:21pm PDT

Garðar Ólafs

Garðar Ólafs er vinsæll íslenskur ljósmyndari sem sérhæfir sig í landslagsmyndum. Svo skemmtilega vill til að hann og @Ozzophotography sem við nefndum hér að ofan eru bræður.

Hvalsneskirkja church in Sandgerði, South #Iceland. What a wonderful place! #Dji #Drone #Phantom3 #Aerial

A photo posted by Garðar Ólafs Photography (@gardarolafsphotography) on Jun 27, 2015 at 2:13pm PDT

Max Rive

Þessi hæfileikaríki Hollendingur og fjallgönguáhugamaður er þekktur fyrir hreint út sagt yfirnáttúrulega myndir af náttúrunni. Hér fyrir neðan sést ein af mörgum stórkostlegum myndum sem hann tók við Landmannalaugar.

Iceland, exploring Landmannalaugar. maxrivephotography.com

A photo posted by Max Rive (@maxrivephotography) on Feb 27, 2015 at 10:54am PST

IReykjavik (Auður)

Ef fólk vill upplifa Ísland, og þá sérstaklega Reykjavík, á eins ósvikinn hátt og mögulegt er, þá fylgir það henni Auði hjá IheartReykjavik. Þó svo hún ferðist oft út fyrir höfuðborgarsvæðið, þá finnst okkur skemmtilegast að sjá hvernig hún hefur fylgjendum sínum einlæga mynd af Reykjavík.

Black Sand Beach #Iceland #dyrholaey #vscocam

A photo posted by Auður – I heart Reykjavík (@iheartreykjavik) on May 18, 2015 at 11:00am PDT

Stian Klo

Stian Klo er norskur landslagsljósmyndari sem ferðast oft um Ísland og hefur fengið viðurkenningar frá mörgum virtum útgefundum eins og BBC og Lonely Planet. Myndirnar hans eru í heimsklassa en hann setur líka reglulega inn myndbönd sem er skemmtileg tilbreyting.

Check out my ICELAND summer tour with @arildheitmannphotography 😃 email us at lofotentours@gmail.com for a detailed itinerary and more pictures ! Date is June 10-19th 2015 ✌

A photo posted by Stian Klo (@stianmklo) on Dec 21, 2014 at 4:55am PST

Jake Sargeant

Þó svo hann sé ekki þekktur, þá vorum við ótrúlega hrifin af myndaseríu Jake Sargeant frá heimsókn hans til Íslands. Líkt og Siggeir, þá dregur Jake fram kuldalegu og drungalegu hlið íslenskrar náttúru mjög vel.

Remote. #iceland #scenic #remote #formations #coast

A photo posted by Jake Sargeant – Portland, OR (@mn8er) on Jun 15, 2015 at 2:20pm PDT

Young Adventuress (Liz)

Young Adventuress er vinsæll ferðabloggari sem skrifar oft um Ísland. Þó svo að hún sé ekki að ferðast um Ísland í augnablikinu, þá er gaman að fylgjast með hennar ferðalögum og skoða myndirnar sem hún tók á ferð sinni um landið. Allt sem hún skrifar um Ísland setur hún svo líka á bloggið sitt.

So there's a lot of traffic in Iceland #icelandchallenge @tinyiceland

A photo posted by Liz Carlson (@youngadventuress) on Jul 21, 2013 at 12:32pm PDT

Expert Vagabond (Matt)

Expert Vagabond (Matt) er einn vinsælasti ferðabloggari heims. Hann heimsótti nýlega Ísland og leyfði öllum að fylgjast vel með á Instagram og svo auðvitað líka á blogginu sínu.

Exploring Iceland's 'crystal' ice caves under Vatnajökull glacier today. Pure magic. Must be the work of elves… 😳 #Iceland

A photo posted by Matthew Karsten 🌍 (@expertvagabond) on Nov 4, 2014 at 10:34am PST

The post Ísland vinsælt á Instagram appeared first on Dohop - Ferðalög og fleira.

Samkvæmt nýrri könnun rukkuðu flugfélögin yfir 5,000 milljarða króna í aukagreiðslur árið 2014. Þessi 10 flugfélög voru efst á listanum.

Það er ekkert leyndarmál að aukagjöld flugfélaga hafa farið stöðugt hækkandi síðastliðin ár. Þrátt fyrir gremju ferðalanga hafa þessi aukagjöld skapað miklar tekjur fyrir flugfélögin og það er ekkert sem bendir til þess að þau muni lækka á næstunni. Ný rannsókn frá IdeaWorks leiðir í ljós 21% aukningu í þessum tekjuflokki sem nemur nú samtals um 5.115 milljörðum króna. Til samanburðar, þá námu heildartekjur frá aukagjöldum árið 2007 aðeins um 329 milljörðum króna. Hér að neðan má finna þau 10 flugfélög sem taka inn hvað mestar tekjur vegna aukagjalda.

Aukagjöld eru skilgreind sem allar þær tekjur sem koma ekki frá beinni sölu flugmiða. Flugfélögin bjóða nú uppá, og rukka jafnframt fyrir, sín eigin kreditkort, VIP félagsaðild, auka farangur, val á sætum, ofl. Dæmi um mögulega skiptingu aukagjalda meðalflugfélags utan Bandaríkjanna, samkvæmt könnuninni, má finna hér að neðan.

Tekjur frá aukagjöldum eru ekki lengur bara áhersluatriði fyrir lággjaldafélögin samkvæmt IdeaWorks og þessi könnun staðfestir að að mörg önnur flugfélög eru nú byrjuð að einbeita sér að þeim tækifærum sem leynast í þessari tekjulind. Könnunin sýnir að United, Delta, US Airways og fleiri hafa greinilega verið að feta í fótspor Ryanair sem var brautryðjandi á þessu sviði. “Þetta er ekki lengur spurning um það hvort flugfélögin séu að gera þetta, heldur bara hversu vel þau eru að gera þetta” segir Michael Cunningham, markaðsstjóri CarTrawler sem kostaði könnunina. Flugfélögin verða sífellt betri í því að safna upplýsingum um viðskiptavini sína og verða þar af leiðandi betri í því að bjóða uppá viðeigandi vörur og þjónustur.

Bandarísk flugfélög hafa hagnast mjög vel undanfarið og eru einnig í fremsta flokki þegar kemur að aukakostnaði. Amerísk flugfélög tóku inn 56% af heildartekjum vegna aukagjalda en þau asísku eru frekar langt á eftir með um 14% hluta. United leiðir hópinn en flugfélagið Spirit tekur fyrsta sætið þegar horft er á tekjur frá aukagjöldum sem hlutfall af heildartekjum. Samkvæmt þessum tölum borga viðskiptavinir Spirit um 40% í aukagjöld en 60% fyrir flugmiðann. Listinn hér að neðan sýnir þau flugfélög þar sem aukagjöldin hafa hvað hæsta hlutfall heildartekna.

Íslensku flugfélögin

Íslensku flugfélögin Icelandair og WOW hafa fylgt þessari þróun, þó hvort á sinn hátt. WOW hefur farið lággjaldaleiðina og ekki farið leynt með aukagjöldin sem þeirra viðskiptavinir þurfa að borga. Þeir rukka fyrir farangur, val á sætum, bókunargjald, ofl. Icelandair hefur hins vegar aukið tekjur með ýmsum öðrum leiðum, þ.a.m. með samstarfi sínu með Amadeus og áherslu á alls konar auka þjónustu. Sem dæmi um aukna þjónustu og fleiri gjöld hjá Icelandair má nefna WiFi tengingu á meðan flugi stendur. Samkvæmt ársskýrslu Icelandair komu 73% tekna frá sölu flugmiða árið 2014 og þ.a.l. 27% frá öðrum leiðum¹. Hér að neðan má sjá samanburð á Icelandair og WOW þegar kemur að algengum aukagjöldum.

Það má búast við því að bæði Icelandair og WOW haldi áfram að fylgja í fótspor annara flugfélaga þegar kemur að því að hámarka þennan tekjuflokk. Þó telur IdeaWorks að lággjaldafyrirtækin, líkt og WOW, séu að nálgast ákveðið hámark hvað aukagjöld varðar og sjá þær tekjur ekki geta farið mikið hærra en 40% hlutfall af heildartekjum.

1. Þetta hlutfall er ekki reiknað út á sama hátt og í könnun IdeaWorks
2. Miðað er við flug innan 4 klukkustunda og að gjöld séu greidd á netinu
3. Miðast við Economy Class flokkinn. Icelandair býður uppá 2 “lúxus” flokka (Economy Comfort og Saga Class) þar sem gjöld eru lægri eða engin en þá færist stór hluti gjaldanna yfir í verð flugmiðans.
4. Aðeins 5kg eru innifalin hjá WOW en allt að 10kg hjá Icelandair. WOW tekur aukagjöld fyrir töskur frá 5-12kg.
5. Tekið er dæmi um verð á langloku

.

The post Þessi 10 flugfélög hafa hæstu aukagjöldin appeared first on Dohop - Ferðalög og fleira.

10. Góðir skór fyrir dalinn

Eitt orð: Gönguskór. Brekkan getur orðið erfið eftir nokkra létta og þúsundir þjóðhátíðargesta hafa rölt þar um. Góðir gönguskór eru því algjörlega málið og minnka líkur á leiðinlegum slysum.

Mynd: John Doe

9. Góð taska fyrir farangurinn

Mynd: Tim Walker

Hvort sem þú ert að fara til Eyja með flugi eða með Herjólfi, þá er mikilvægt að pakka vel. Það síðasta sem þú vilt gera þegar þú mætir til eyja er að dröslast með illviðráðanlegan farangur. Göngutúrinn frá bílnum að Landeyjahöfn og strætóferðirnar í Eyjum verða miklu auðveldari með góðum töskum fyrir farangurinn.

8. Vertu viðbúinn hvaða veðri sem er

Á þjóðhátíð þarf maður að búast við öllu. Þó svo að veðurspáin sé góð og gott að vera bjartsýn, þá er betra að vera vel undirbúinn svo að veðrið geti ekki dregið úr upplifuninni. Þegar fagnaðurinn í brekkunni nær hámarki og þú ert í góðra vina hópi, þá viltu ekki vera að pæla í því hversu kalt þér er. Mundu að pakka pollagallanum, ullarpeysunni, gallabuxunum, og vatnsheldum skóm. En það er líka allt í lagi að vera bjartsýnn, svo það má alveg pakka stuttbuxunum líka.

Mynd: Backpacker Jam

7. Þjóðhátíðarbúnaður 

Búðu til þitt eigið Þjóðhátíðar “kit”. Þar eru eyrnatappar ómissandi svo maður geti sofið í friði þegar/ef maður vill eitthvað sofa. Hleðslubanki er algjört must ef þú vilt vera í sambandi alla helgina. Þeir sem nota símann sinn sem myndavél, þá er bráðnauðsynlegt að hafa símann hlaðinn til að fanga allar minningarnar. Þynnka er ekki óalgeng á Þjóðhátíð og þá er gott að hafa með sér Treo verkjatöflur. Klósettaðstaðan á flestum útihátíðum er venjulega ekki í hæsta gæðaflokki og þessvegna er gott að hafa með sér pappír og handspritt. Við búumst auðvitað við hinu fullkomna veðri um helgina og þá er gott að hafa með sér sólarvörn. Síðast en ekki síst skaltu muna að taka með þér smokka. “Better safe than sorry”.

6. Smakkaðu lunda

Upplifðu Vestmannaeyjar almennilega og smakkaðu lunda.

5. Bakpoki fyrir dalinn

Mundu að taka með þér góðan bakpoka til að hafa með þér í dalinn. Það er glatað að þurfa að hafa allt dótið sitt í veski eða poka í dalnum.

Mynd: Threadsence.com

4. Kíktu í hvítu tjöldin

Ekta gítarpartý með heimamönnum er snilldar þjóðhátíðarupplifun. Enginn gerir þjóðhátíð betur enn heimaeyjarmenn og konur 😉

Mynd: Hamar.is

3. Mundu hvar þú lagðir bílnum við Landeyjarhöfn

Að fara heim eftir snilldar þjóðhátíðarhelgi í eyjum getur oft verið erfitt. En þegar góð helgi er að enda komin þá vill fólk venjulega bara komast beint heim í rúmið sitt. Að leita að bílnum sínum eftir bátsferð er þá það síðasta sem þú vilt gera. Mundu hvar þú lagðir honum og komdu þér beint heim.

Mynd: Lögreglan á Hvolsvelli

2. Fáðu þér Eyja appið

Eyja appið er fullkomið fyrir alla þjóðhátíðagesti. Þar hefur þú allar nauðsynlegar upplýsingar á einum stað. Allar helstu upplýsingar um samgöngur, tjaldsvæði, afhendingu miða, óskilamuni, dagskráina, þjóðhátíðarlögin, staðsetningar og þar má líka finna bleika fílinn með mikilvægar forvarnir.

1. Mundu að drekka nóg af vatni

Einfalt – drekktu fullt af vatni. Bæði fyrir, á meðan og á eftir Þjóðhátíð. Þér á einfaldlega eftir að líða miklu betur. Hafðu alltaf eina vatnsflösku í bakpokanum fulla af vatni..

Bónus

Haltu utan um einhvern sem þér þykir vænt um þegar kveikt er á blysunum, syngdu úr þér lungun, og mundu að lífið er yndislegt..

Mynd: Dalurinn.is

Lumar þú á fleiri góðum ráðum? Láttu okkur vita í athugasemdum hér að neðan.

The post 10 ráð til að fá sem mest út úr Þjóðhátíð appeared first on Dohop - Ferðalög og fleira.

Með hversu löngum fyrirvara er best að bóka flug? Er flug á einhverjum sérstökum dögum vikunnar ódýra en aðra?

Við erum búin að vera í flugbransanum í tíu ár. Og á þessum tíu árum höfum við heyrt öll mögulega ráð um hvernig eigi að verða sér úti um ódýrt flug og hvað þarf að hafa í huga áður en fólk ætlar að ferðast.

Við tókum saman tíu bestu ráðin sem við búum yfir til að geta deilt með ykkur, notendum Dohop.

1. Bókaðu 8-6 vikum fyrir brottför

Flugverð fylgja ákveðnu mynstri – fyrst falla þau hægt og rólega en svo byrja þau að hækka því nær sem dregur brottför. Fyrir innanlandsflug er best að kaupa miðann 6-8 vikum fyrir brottför, en fyrir flug erlendis er ódýrast að kaupa miðann 5-6 mánuðum fyrir brottför. Þumalputtareglan er sú að best er að bóka miðann sem fyrst. Þegar gögnin eru skoðuð, kemur hins vegar í ljós að þeir sem bóka flugmiðann fyrir þessi tímabil, borga að meðaltali meira fyrir flugmiðann. 

2. Fljúgðu út á þriðjudögum eða miðvikudögum

Ef þú vilt reyna að lækka verðmiðann enn meira, þá getur þú bókað flug sem fer annaðhvort á þriðjudögum eða miðvikudögum. Þegar rýnt er í gögnin kemur í ljóst að flug á þessum vikudögum eru að meðaltali ódýrari en þau flug sem fara á öðrum dögum vikunnar.

3. Skráðu þig á verðvakt

Þó svo að það sé gott að hafa ráð 1 og 2 í huga til að auka líkurnar á því að finna flug á lægra verði, þá er engin töfratími eða aðferð sem mun tryggja lægsta verðið. Þessvegna mælum við með því að þú skráir þig á verðvakt (“price alert”) og leitir reglulega í nokkra daga. Þannig eykur þú líkurnar á því að detta inn á besta verðið þegar flugfélögin breyta verðunum skyndilega.

4. Ferðist lauflétt

Tími er peningar. Ef þú ferðast “létt”, þá sparar þú ekki bara peninga með því að sleppa við aukagjöldin, heldur minnkar þú líka þann tíma og vesen sem fylgir því að bíða eftir og dröslast með allan farangurinn á flugvellinum. Veriði bara létt á því og sparið tíma og peninga.

5. Byrjaðu leitina með ferðaleitarvél

Flugleitarvélar leita að flugum hjá hundruðum flugfélaga á sama tíma og er eina leiðin til þess að nota óháðan aðila sem mun ekki leggja neitt ofaná flugmiðann þinn. Ferðaskrifstofur og flugfélög eru augljóslega mjög takmörkuð þegar kemur að því að sýna þér allt sem er í boði.

6. Ekki gleyma hinum flugvöllunum

Ertu að fara til New York? Auk þess að leita að flugum til JFK, ekki gleyma að skoða flug til La Guardia og Newark flugvallanna. Ef þú ert að leiðinni til ákveðnar borgar, vertu viss um að þú velur alla flugvelli sem eru í boði. Lággjaldaflugfélögin forðast oft stóru alþjóðlegu flugvellina og fljúga frekar á minni flugvelli sem rukka minna. Hugsanlega getur þetta þýtt að þú verðir að taka leigubíl eða rútu til þess að halda áfram, en sumir kjósa það frekar en að borga miklu meira fyrir flugmiðann.

7. Prófaðu allar samsetningar flugfélaga

Einn stærsti kosturinn við að nota flugleitarvél þegar þú ert að leita að ódýrasta flugmiðanum er að þú getur sameinað mörg mismunandi flugfélög í sömu ferð. Dohop sérhæfir sig í þessari tækni (sem við köllum “Self-Connect”) og gerir þér kleift að athuga hvort það sé ódýrara að kaupa 2 aðskilda miða en að fljúga beint með sama flugfélaginu.

8. Ekki stóla á tilboð á síðustu stundu

Það hefur verið mjög vinsælt að bíða fram á síðustu stundu með að kaupa flugmiða í þeirri von að flugfélagið hendi í tilboð til að fylla vélina. Þetta er liðin tíð og þeir sem gera þetta ennþá verða yfirleitt fyrir vonbrigðum. Eina undantekningin er hugsanlega hjá þeim sem hafa skráð sig á fréttabréf ákveðinna flugfélaga og eru tilbúin í að ferðast með mjög stuttum fyrirvara.

9. Passaðu þig á aukagjöldunum

Við skrifuðum nýlega um það hversu mikið aukagjöld hafa verið að hækka á síðustu árum hjá flugfélögunum. Þessvegna er það sérstaklega mikilvægt núna að vera fullkomlega meðvitaður um það hversu mikið þú mátt koma til með að eyða í aukagjöld. Dæmi eru um að um 40% af heildakostnaði fólks við flug fari í þessi aukagjöld. Sumum gjöldum kemst maður einfaldlega ekki hjá, en vertu a.m.k. viss um hvað er rukkað fyrir.

10. Ekki bóka fyrr en þú ert 100% viss

Það er fátt leiðinlegra en að þurfa að breyta eða afbóka flug sem maður hafði pantað áður. En það er ekki bara leiðinlegt, heldur getur það líka verið mjög dýrt. Flest flugfélög rukka þónokkuð mikið fyrir að gera breytingar á flugum og jafnvel breytingar á bókunarupplýsingum, eins og t.d. við að laga ritvillu í nafni. Þessi gjöld eru yfirleitt mun hærri en fólk gerir sér grein fyrir og dæmi eru um að breyting á flugi kosti meira en að kaupa annan flugmiða. Þessvegna mælum við með því að bíða með að bóka flugmiðann þangað til að þú ert eins viss og þú mögulega getur verið.

Aukaráð

Bókaðu fyrsta flug dagsins

Fyrsta flug dagsins er ólíklegast til að seinka. Algengasta ástæða seinkunar er nefnilega seinkun á öðrum flugum. Seinkun á einu flugi getur þessvegna valdið seinkunum á 2-3 flugum seinna um daginn og svona geta tafirnar hlaðist upp á kvöldflugin. Hafðu þetta sérstaklega í huga ef þú ert að bóka flugmiða með 2 flugfélögum, þar sem þú mátt alls ekki missa af seinna fluginu þínu.

The post 10 flugráð Dohop appeared first on Dohop - Ferðalög og fleira.

Reykjavík, 4. september 2015

• easyJet stundvísast við bæði brottfarir og komur
• AirBerlin með lægstu meðaltöfina á bæði brottförum og komum
• WOWair var óstundvísasta flugfélagið

Dohop hefur skoðað stundvísi flugfélaganna á nýliðnum mánuði og kom í ljós að breska flugfélagið easyJet var stundvísast bæði við brottfarir og komur, með 86% brottfara frá Keflavík og 89% komufluga á réttum tíma. Meðaltöf við brottfarir hjá easyjet var 6,78 mínútur og við komur 5,63 mínútur.

Það er þó ekki lægsta meðaltöfin en Airberlin var með lægstu meðaltöfina þennan mánuðinn við bæði brottfarir og komur. Þennan mánuðinn var WOWair óstundvísast með 78% hlutfall á réttum tíma við brottfarir og 71% við komur.

Alls voru sex flug felld niður í ágúst. Icelandair felldi niður fjögur flug og Airberlin tvö flug. Hvorki WOWair eða easeyJet þurftu að fella niður flug.

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma. Hér eru aðeins birtar tölur flugfélaga sem eru með fleiri en 50 áætlunarflug á mánuði.

Um Dohop

Dohop var stofnað á Íslandi árið 2004 og starfsmenn félagsins eru nú tæplega 30, allir á Íslandi. Dohop á og rekur íslenska ferðaleitarvefinn Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

Nánari upplýsingar:

Áslaug Eva Björnsdóttir

Markaðstjóri hjá Dohop,

Sími: +354 867 2021

Skrifstofa: +354 561 4848

E-póstur: aslaug@dohop.com

The post Stundvísi flugfélaga 2015 appeared first on Dohop - Ferðalög og fleira.

Reykjavík, 23. september 2015

• 6,5% lækkun á meðalverði
• Ódýrast að flúgja til Oslóar með Norwegian
• Mesta hækkun og mesti verðmunur til Helsinki
• WOWair ódýrara en Icelandair til 4 áfangastaða af 5

Dohop hefur tekið saman flugverð frá Íslandi næstu vikur og borið saman verð til áfangastaða þar sem samkeppni er á markaðnum.

Mesta hækkun til Helsinki milli mánaða

Mesta hækkun á flugfaragjaldi milli mánaða er til Helsinki en hún er um 46%. Þegar litið er á mestu lækkun á milli mánaða þá er Dusseldorf þar með 29% lækkun. En í heild var um 6,5% lækkun á meðalverði milli mánaða.

Ódýrast að fljúga til Oslóar næstu vikur

Þegar horft er hvert ódýrast sé að fljúga næstu vikur kemur í ljós að Norwegian býður upp á ódýrasta flugmiðann eða að meðaltali 29.936 kr. til Óslóar. Icelandair býður upp á næst ódýrasta miðann að meðaltali 32.710 kr. Dýrasti flugmiðinn á listanum er til New York og er það flug með Icelandair sem kostar að meðaltali 92.172 kr. á þessum tíma. Þess má geta að það er engin samkeppni á þeirri flugleið.

Mestur verðmunur til Helsinki

Mestur verðmunur á einum áfangastað er á flugi til Helsinki þar sem tvö flugfélög eru með reglulegt áætlunarflug. Verð Finnair er 40,5% hærra en hjá keppinautnum Icelandair á þessari leið. Flugfélögin tvö eru einu flugfélögin sem fljúga beint til Helsinki.

Samkeppni íslensku flugfélaganna

Ef litið er á íslensku flugfélögin Icelandair og WOWair og bornar saman þær flugleiðir þar sem þau eru í samkeppni sjáum við að WOWair er með lægra fargjald á þeim öllum að undantekinni Kaupmannahöfn þar sem Icelandair er 10% ódýrara. Að meðaltali eru flugmiðar WOWair um 23% ódýrari en hjá Icelandair. Flugfélögin eru í samkeppni á eftirfarandi áfangastöðum: París, Boston, London, Amsterdam og Kaupmannahöfn.

# # #

Aðferð

Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur. Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil. Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd.

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Verðkönnun Dohop september 2015 appeared first on Dohop - Ferðalög og fleira.

Reykjavík, 24. september 2015

Dohop og rússneski leitarrisinn Yandex hafa tekið upp samstarf með þeim hætti að flugverð frá Dohop birtist nú á flugleitarvef Yandex, avia.yandex.ru. Fjöldi flugleita á vef Yandex er um þrisvar sinnum meiri en á núverandi vef Dohop og því um töluverða aukningu að ræða.

Yandex er eitt stærsta internetfyrirtæki Evrópu. Yandex.ru er jafnframt vinsælasta vefsíða Rússlands og ein af þeim 20 mest sóttu í heiminum. Þar eru framkvæmdar um 150 milljón leitir daglega en Yandex er með rúmlega 60% markaðhlutdeild á rússneska leitarmarkaðnum á móti Google. Þrátt fyrir að félagið sé rússneskt er það skráð á Nasdaq hlutabréfamarkaðinn í Bandaríkjunum. Hjá Yandex starfa um 5.500 manns og markaðsvirði félagsins er 476 milljarðar.

“Samstarfið við Yandex er stórt skref fyrir Dohop ásamt því að vera staðfesting á allri þeirri vinnu sem við höfum lagt í tæknina og gefur okkur nú aðgang að mun stærri mörkuðum. Þetta gefur Yandex einnig tækifæri til þess að sækja á fleiri markaði og það er mikil viðurkenning að Yandex hafi ákveðið að nota okkar lausn og við erum spennt fyrir framhaldinu,” segir Davíð Gunnarsson, framkvæmdarstjóri Dohop.

# # #

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu ogbílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Dohop leggur Yandex til flugleitartækni appeared first on Dohop - Ferðalög og fleira.

Reykjavík, 2. október 2015

Bandaríska dagblaðið USA Today hefur tilnefnt íslenska flugleitarvefinn Dohop í flokknum Besta ferðalagaapp eða vefsíða í lesendaverðlaunum sínum. Dohop hlýtur þar tilnefningu ásamt stórum fyrirtækjum í ferðabransanum eins og leigubílaappinu Uber, Sixt og Kayak.

USA Today er einn stærsta fréttamiðill Bandaríkjanna, en daglega lesa samtals um 7 milljónir manna USA Today á netinu og í prenti. Alls eru 20 fyrirtæki tilnefnd í sama flokki og Dohop, fyrirtæki sem eru misstór og með breiðan fókus en eru teljast þó öll skara framúr á sínu sviði.

Það er hópur sérfræðinga um ferðalög hjá USA Today, 10Best, sem ákveður hvaða fyrirtæki eru að skara framúr og það eru þau sem völdu Dohop. Lesendur USA Today kjósa síðan sigurvegara úr þeim 20 fyrirtækjum sem tilnefnd eru.

Kosningin er opin öllum og hægt er að kjósa Dohop hér.

“Þessi tilnefning er auðvitað frábær. Vonandi verður hún til þess að vekja meiri athygli á Dohop í Bandaríkjunum enda stór nöfn á borð við Uber sem eru tilnefnd í sama flokki. Við tökum svona keppni fagnandi og förum auðvitað bara í hana til þess að vinna,”

segir Davíð Gunnarsson, framkvæmdastjóri Dohop.

# # #

Um Dohop

Dohop var stofnað 2004 og fyrsta útgáfa flugleitarinnar fór í loftið 2005. Vefurinn einfaldar fólki leitina að ódýru flugi og er með einstakan hugbúnað sem leitar að verði hjá miklum fjölda flugfélaga og ferðaskifstofa á netinu.

Dohop á og rekur íslenska ferðaleitarvefinn Dohop.is ásamt sambærilegum vefjum á 29 tungumálum þar sem finna má flug, hótel og bílaleigu.

The post Dohop tilnefnt besti ferðavefurinn í lesendaverðlaunum USA Today appeared first on Dohop - Ferðalög og fleira.

Reykjavík, 6. október 2015

• easyJet stundvísast við bæði brottfarir og komur
• WOWair var óstundvísasta flugfélagið, 2. mánuðinn í röð
• Icelandair felldi niður fjögur flug í september

Dohop hefur skoðað stundvísi flugfélaga í nýliðnum mánuði og kom í ljós að breska flugfélagið easyJet var stundvísast bæði við brottfarir og komur annan mánuðinn í röð, með 77% brottfara frá Keflavík og 84% komufluga á réttum tíma. Meðaltöf við brottfarir hjá easyjet var 8,03 mínútur og við komur 5,65 mínútur.

Annan mánuðinn í röð var WOWair óstundvísast með 68% hlutfall á réttum tíma við brottfarir og 59% við komur.

Alls voru sex flug felld niður í september. Icelandair felldi niður fjögur flug og WOWair tvö flug. Hvorki AirBerlin né easyJet þurftu að fella niður flug.

# # #

Við útreikninga á stundvísi flugfélaganna notast Dohop við tölur frá Isavia. Sóttar eru upplýsingar um áætlaða brottfarar- og komutíma einstakra fluga og þær tölur bornar saman við raunverulegan tíma brottfara og koma. Hér eru aðeins birtar tölur flugfélaga sem eru með fleiri en 50 áætlunarflug á mánuði.

Um Dohop

Dohop var stofnað 2004 og fyrsta útgáfa flugleitarinnar fór í loftið 2005. Vefurinn einfaldar fólki leitina að ódýru flugi og er með einstakan hugbúnað sem leitar að verði hjá miklum fjölda flugfélaga og ferðaskrifstofa á netinu. Dohop á og rekur íslenska ferðaleitarvefinn Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

The post Stundvísi flugfélaga í september 2015 appeared first on Dohop - Ferðalög og fleira.

Reykjavík, 22. október 2015

• 4,7% lækkun á meðalverði
• Flugverð til Helsinki lækkar um 23%
• Ódýrast að flúgja til Oslóar þriðja mánuðinn í röð
• Verð til flestra áfangastaða á milli 35 og 50 þúsund

Dohop hefur tekið saman flugverð frá Íslandi næstu vikur og borið saman verð til áfangastaða þar sem samkeppni er á markaðnum.

Flugverð lækkar áfram

Flugverð lækkar á milli tímabila og skiptir þar miklu máli lækkun á flugi til Finnlands og Noregs, en flug til Helsinki lækkar um tæp 23% og flug lækkar um tæp 19% til Osló. Í heild var um 4,7% lækkun á meðalverði milli mánaða.

Ódýrast að fljúga til Oslóar þriðja mánuðinn í röð

Þriðja mánuðinn í röð er ódýrast að flúga til Oslóar þar sem að Norwegian býður upp á lægsta verðið   eða að meðaltali 26.025 kr. Icelandair býður upp á hæsta verðið að meðaltali 30.712 kr. Dýrasti flugmiðinn á listanum er til Boston og er það flug með Icelandair sem kostar að meðaltali 93.583 kr. á þessum tíma. Icelandair fær samkeppni frá WOWair á þessari leið en þeir bjóða miðann á 58.078 kr að meðaltali á þessu sama tímabili.

Algengasta verð á flugi 35 – 50 þúsund

Verðið á flugi til 10 borga af 15 í könnuninni er á milli 35.000 og 50.000 krónur í haust. Þetta eru vinsælir áfangastaðir á borð við París, Barcelona, Berlín, Amsterdam og Kaupmannahöfn. Flug til Bandaríkjanna er milli 75.000 og 95.000 krónur að meðaltali.

# # #

Aðferð

Dohop beitir sambærilegri aðferð og Hagstofa Íslands við samantekt gagna á fargjöldum. Þrjár dagsetningar eru skoðaðar hverju sinni: sú fyrsta er eftir tvær vikur, önnur eftir fjórar vikur og þriðja eftir átta vikur. Í hverri viku eru allir 7 dagar skoðaðir með vikudvöl í huga og meðaltal hverrar viku er endanlegt verð fyrir það tímabil. Við gerð verðkönnunarinnar er gert ráð fyrir einum farþega sem flýgur báðar leiðir með eina ferðatösku og handfarangur sem er minna en 5 kíló að þyngd.

Um Dohop

Dohop var stofnað á Íslandi árið 2004 og fyrsta útgáfa flugleitarinnar fór í loftið 2005. Vefurinn einfaldar leitina að ódýru flugi með einstökum hugbúnaði sem leitar að verði hjá miklum fjölda flugfélaga og ferðaskrifstofa á netinu. Dohop á og rekur Dohop.is ásamt sambærilegum vefjum á 29 tungumálum þar sem finna má flug, hótelgistingu og bílaleigu.

Dohop hefur fengið góðar umsagnir frá fleiri þekktum alþjóðlegum miðlum eins og Times Online, Los Angeles Times, The New York Times. CNN.com, Frommer’s og BBC. Dohop vann meðal annars titilinn “Fremsta flugleitarvél í heimi” á World Travel Awards í desember 2014.

The post Verðkönnun Dohop október 2015 appeared first on Dohop - Ferðalög og fleira.